31.01.2017 13:24
Leikja- og spilakvöld í kvöld
Gerðum smá mistök 
?? steingleymum að setja inn auglýsingu fyrir leikja og spilakvöldið okkar 
:-/ .
En það er í dag kl 17-18:30. Þeir sem vilja meiga koma með spil að heiman en annars eigum við spilastokka og yatzy og svo auðvitað skellum við okkur í leiki 
Hlökkum til að sjá ykkur
24.01.2017 20:37
Aðsent
Í tengslum við WOW Reykjavik International Games 2017 standa Íþróttabandalag Reykjavíkur og Íþrótta- og Ólympíusamband Íslands fyrir tveimur ráðstefnum um íþróttatengd málefni í samstarfi við Háskólann í Reykjavík. Sex erlendir fyrirlesarar munu flytja áhugaverð erindi á ensku.
Fyrri ráðstefnan verður 26.janúar kl.17:30-20:30 og ber hún yfirskriftina Lyfjamál í íþróttum. Fjallað verður um hvað íþróttafólk þarf að hafa í huga þegar það neytir fæðubótarefna, þekktur hjólreiðamaður segir frá reynslunni við að falla á lyfjaprófi og rannsóknarblaðamaðurinn sem kom upp um lyfjasvindl Rússa flytur áhugavert erindi.
Seinni ráðstefnan fjallar um góða stjórnunarhætti og fer fram 2.febrúar kl.17:30-20:30. Þar munu þrír reyndir stjórnendur úr íþróttahreyfingunni sem koma frá Bandaríkjunum, Bretlandi og Danmörku flytja fræðandi erindi um sína stjórnunarhætti. Öll eiga þau það sameiginlegt að hafa gert miklar breytingar á skipulagi sinna íþróttasambanda og náð mjög góðum árangri í kjölfarið.
Verðið á hvora ráðstefnu er 4.900 krónur og er kvöldverður innifalinn. Ef báðar ráðstefnur eru keyptar í einu er verðið 8.900 krónur og fylgir þá með 3.000 króna gjafabréf sem gildir sem greiðsla uppí WOW Northern Lights Run. Hér á heimasíðu leikanna má finna nánari upplýsingar og þar er einnig hægt að skrá sig: http://rig.is/index.php/radstefna . Skráning verður opin þangað til daginn fyrir hvora ráðstefnu nema uppselt verði fyrir þann tíma.
Hvetjum ykkur til að kynna ykkur þetta og senda upplýsingar áfram á iðkendur, þjálfara og stjórnarfólk eftir því sem við á eða deila viðburðunum á Facebook síður ykkar.
Lyfjamál í íþróttum: https://www.facebook.com/events/1044026159075980/
Góðir stjórnunarhættir: https://www.facebook.com/events/377907002584534/
Með kveðju / Best regards
Landssamband Hestamannafélaga | Landsmót
The Icelandic Equestrian Association | Landsmót
www.lhhestar.is | www.landsmot.is
The Icelandic Equestrian Association | Landsmót
www.lhhestar.is | www.landsmot
19.01.2017 14:17
Hestanammi og reiðtygi
Sunnudaginn 22. jan. verður borið á reiðtygi og búið til hestanammi frá kl. 12:30 - 14:30 í reiðhöllinni.
Við verðum með efni fyrir hestanammið og olíu og tuskur til að þrífa reiðtygi.
Kv. æskulýðsdeildin.
16.01.2017 22:03
Dagskrá
Dagskrá 2017 er ekki fullunnin en það sem komið er má finna hér að ofan.
Sett verður tilkynning hér á heimasíðuna þegar allt er tilbúið.
02.01.2017 19:49
Námskeið
Laugardaginn 14. jan 2017 verður eins dags námskeið með Magga Lár í fortamningu, mat og meðhöndlun á unghrossum.
Verð fyrir námskeiðið er 10.000 kr. á mann. Takmarkaður nemendafjöldi verður á námskeiðið og hægt verður að dreifa greiðslu ef menn óska þess.
Reiðnámskeið verður haldið í vetur, Anna Björk Ólafsdóttir mun koma og kenna.
Í boði eru einkatímar, hóptímar (tveir og tveir saman) og einnig verður námskeið í tamningum sem er hópmiðuð.
Áætlað er að námskeiðið byrji um miðjan janúar.
Þeir sem hafa áhuga á að skrá sig á námskeiðin eða fá nánari upplýsingar er bent á að hafa samband við Styrmi í síma 824-2413 eða á netfangið [email protected] sem fyrst.
31.12.2016 16:08
Íþróttafólk ársins
Kjör íþróttafólks ársins var haldið í Gjánni á gamlársdag 2016.
Rúrik Hreinsson og Valgerður S. Valmundsdóttir voru tilnefnd til kjörs frá Brimfaxa og Jakob Máni Jónsson fékk hvatningaverðlaun.
Allt um kjörið má finna á heimasíðu Grindavíkur eða smella hér:
26.12.2016 22:35
Jóladiskó
Fimmtudaginn 29.12 frá 18:00 20:00 ætlum við í æskulýðadeildinni að hafa smá jólafjör. Hittumst í reiðhöllinni kl 18:00 fáum okkur kakó og smákökur og dönsum svo af okkur skóna
20.12.2016 13:54
Árgjöld
Viljum minna á að hægt verður að dreifa greiðslum fyrir félagsgjöld og fyrir árgjald í reiðhöllina.
Best er að hafa samband við Styrmi í síma 824-2413 eða á netfangið [email protected]
17.12.2016 21:58
Reiðvegir
Reiðveganefnd Brimfaxa vinnur góðum höndum að bæta íþróttaaðstöðu hestamanna og nýlega samþykkti Grindavíkurbær framkvæmdaleyfi á gerð reiðvegar meðfram Suðurstrandarvegi og einnig hefur reiðveganefnd LH gefið út nýtt kort af reiðvegum í Grindavík.
Grunnur að allri íþróttaiðkun er góð og örugg aðstaða og hestaíþróttamenn í sérstöðu gagnvart öryggi þar sem hestar eru lifandi verur sem eru jafnframt flóttadýr.
Undirlag er mjög mikilvægt og hestamenn eru beðnir um að taka grjót af reiðvegum svo ekki sé hætta á að hestar verði fyrir hófmari eða geta hnotið um og dottið.
Einnig eru hestamenn beðnir um að taka ef þeir hafa tækifæri á drasl sem er meðfram vegum eða láta vita af drasli, grjóti eða holu svo hægt verði að fjarlægja eða búa betur um.
12.12.2016 14:24
Vetrarleikar með Sóta
Sóti hefur boðið Brimfaxa að taka þátt í vetrarleikum Sóta ásamt öðrum mótum eins og skemmtimót og gæðingakeppni og Sóti verður einnig með opið íþróttamót og opið ísmót.
Brimfaxi vill koma þökkum til Sóta fyrir þetta frábæra framtak og vonum að allir taki þátt og hafi gaman.
Hér er eru drög en það á eftir að fast setja dagskrána.
4. feb - Opið ísmót á Bessastaðatjörn (ef veður leyfir)
18. feb - Vetrarleikar 1: Grímutölt - í Brimfaxahöllinni
5. mars - Vetrarleikar 2: Þrígangur - á Sótavelli (ef veður leyfir, annars inni)
1. apríl - Vetrarleikar 3: Tölt T7 og T3 - á Sótavelli (ef veður leyfir, annars inni)
7. apríl - Skemmtimót - hindrunarstökk, smali, liðakeppni ofl.
20 -21 maí - Opið íþróttamót - á Sótavelli
3. júní - Gæðingakeppni með Brimfaxa og Adam
Reglur:
Vetrarleikar
Vetrarleikar
- 2 dómarar í hverri keppni
- Keppt verður í eftirfarandi flokkum: Pollar, börn, unglingar, ungmenni, konur, karlar, heldri menn og konur (50+)
- Hver keppandi getur aðeins keppt í einum flokki
- Hver hestur getur aðeins keppt í einum flokki
- Í grímutölti skal eingöngu sýnt fegurðartölt
- Í þrígangi skulu 3 gagntegundir sýndar (tölt helst ein gangtegund)
- Þrígangur verður á beinni braut
- Töltkeppni fer eftir reglum LH í T7 og T3
- Allar skráningar og greiðslur fara í gegnum Sportfeng
- Skráningargjöld eru 1500 kr. í fullorðinsflokkum og 1000 kr. í yngri flokkum (frítt fyrir polla)
Skemmtimót:
- Reglur koma síðar, aðalatriðið er að hafa gaman saman!
- Reglur koma síðar, aðalatriðið er að hafa gaman saman!
Gæðingakeppni:
Farið eftir reglum LH - Hvert félag ríður sér úrslit
Opna íþróttamót Sóta:
Farið eftir reglum LH
10.12.2016 14:21
Aðsent
Eruð þið orðin þreytt á biðinni eftir því að fá járningarmann nokkrum vikum eftir að þú pantar...??? og allveg sama hvað þú hringir oft þá er hann alltaf rétt ókomin ? Prufaðu að heyra í okkur og sjáum hvort við getum ekki mætt á staðinn og bjargað þér á skikkanlegum tíma.
Járning F/U Skeifur 6000 Járning M/ Skeifum 8000 Verð reiknast með fjöðrum.
Bjóðum einnig upp á: tveggja þátta kítti, einfalt sílikonkítti, skafla, snjókransa, botna. Ef þarf að láta gera eithvað af ofangreindu er verðið lágt og sanngjarnt og vinnan vel unnin.
Endilega hafið samband í síma 787-0517
08.12.2016 15:03
Árgjöld
Á aðalfundi var nýtt félagsgjald og árgjald í reiðhöllina samþykkt.
Nýjar samþykktir má sjá hér að ofan undir um félagið og reiðhöll.
05.12.2016 20:59
Aðalfundur
Minnum á aðalfundinn á morgunn í reiðhöllinni kl. 20:00
Fullt af málefnum að ræða og ákveða.
Kveðja, stjórnin.
© 2024 123.is | Nýskrá 123.is síðu | Stjórnkerfi 123.is