Jæja krakkar! Þá er komið að The amazing race. Mæting er við Kvikuna á morgun 4.maí klukkan 16:30 en þar verður ykkur skipt í lið og þið fáið nánari upplýsingar um hvað á að gera. Þeir sem eiga myndavélasíma eða myndavél, endilega kippa því með.

Sjáumst hress og kát.

Æskulýðsnefndin.

1. maí reiðin er nk. sunnudag, lagt verður af stað frá hesthúsahverfinu kl. 13:00

Kveðja, ferðanefnd.

Á sumardaginn fyrsta komu Sörlafélagar í heimsókn til okkar úr Hafnarfirði til að ríða út með okkur Brimfaxafélögum. Við gerðum átak í höllinni svo að við gætum tekið á móti þeim þar uppfrá með kaffi, kökum og grilluðum pylsum.

Reiðtúrinn var farinn í dásamlegu veðri frá reiðhöllinni og sem leið lá hringinn um Þorbjörn þar sem hestar og menn fengu að kynnast öllum gerðum af reiðgötum. Þetta mæltist vel fyrir hjá gestum enda mikil tilbreyting frá hefðbundnum reiðgötum þeirra Sörlamanna og ekki spillti landslagið enda rómað í bak og fyrir af gestunum. Glöggt er gests augað.

Svo enduðum við þennan reiðtúr í höllinni þar sem við gerðum vel við gesti okkar með veitingum og sýndum þeim höllina okkar. Við Brimfaxafélagar þökkum Sörlamönnum kærlega fyrir að sýna okkur þá virðingu að sækja okkur heim, treysta vinaböndin og kynnast Grindvískum reiðgötum og landslagi.

Myndir sem Guðlaug Björk tók eru komnar í myndaalbúmið.

Kær kveðja

Formaðurinn.

Lagt verður af stað frá reiðhöllinni á morgun 21. apríl stundvíslega kl. 13:00 í reiðtúrinn með Sörlafélögum.

Vegna óviðráðanlerga aðstæðna verður bíókvöldinu sem átti að vera á morgun frestað. Það verður auglýst með góðum fyrirvara þegar hægt verður að halda það.

Sörlamenn ætla að koma í heimsókn til okkar á sumardaginn fyrsta (21. apríl) og við ætlum að fara saman í  reiðtúr. Fyrirhugað er að fara Þorbjarnarhringinn og lagt verður af stað frá hesthúsahverfinu um eða eftir hádegi.

Kveðja, ferðanefnd.

Minnum á fundinn á morgun, föstudaginn 15. apríl kl. 18:00 í Gjánni.

Formaður reiðveganefndar LH og Sæmundur Eiríksson umsjónarmaður kortasjá LH koma og kynna fyrir okkur kortasjána og ræða um reiðvegi.

Kv. Stjórnin.

Á morgun fimmtudag kl. 17:00 ætlum við að leyfa krökkunum að prufa að fara í hestafótbolta. Við verðum í höllinni hjá Palla og Mundu. Þetta verður örugglega mega fjör.

Sjáumst á morgun.

Kveðja, Jóhanna, Valgerður og Sunneva.

12 folöld tóku þátt í folaldasýningunni sem var 9. apríl sl. Eftir fyrirlestur og sýnikennslu hjá Magga Lár var farið að dæma og úrslit urðu eftirfarandi:

Hestfolöld

1. Aron frá Grindavík

Brúnblesóttur, sokkóttur, glaseygður

F: Hróður frá Refsstöðum. M: Dimma frá Laugarvöllum

Eig. og rækt. Styrmir Jóhannsson

2. Mótor frá Stafholti

Brúnn

F: Hreyfill frá Vorsabæ II. M: Mirra frá Stafholti

Eig. og rækt. Páll og Guðmunda

3. Fleygur frá Syðra Langholti

Móálóttur, nösóttur

F: Stáli frá Kjarri. M: Birta frá Heiði

Eig. Arna Þöll og Þorsteinn Gunnar 

Ræk. Páll og Guðmunda

Merfolöld

1. Sókn frá Syðra Langholti

Rauðtvístjörnótt

F: Toppur frá Auðsholtshjáleigu. M: Glóð frá Miðfelli

Eig. og rækt. Arna Þöll og Þorsteinn Gunnar

2. Akademía frá Ísólfsskála

Jörp

F: Röðull frá Hafnarfirði. M: Perla frá Gautavík.

Eig. Elka Mist Káradóttir

Rækt. Elka Mist og Kári Ölversson

3. Kátína frá Syðra Langholti

Brún

F: Geisli frá Sælukoti. M: Gleði frá Kaldbak

Eig. og rækt. Sigmundur Jóhannesson

Glæsilegasta folaldið að mati dómara:

Sókn frá Syðra Langholti.

Brimfaxi vill þakka Gluggar & Gler fyrir sýninguna, Palla og Mundu fyrir aðstöðuna og Hérastubb bakara fyrir allt ljúffenga bakkelsið.

Myndir frá sýningunni eru komnar í myndaalbúmið.

Börn, unglingar og ungmenni sem keppa fyrir hönd Brimfaxa árið 2016 geta fengið keppnisgjöld niðurgreidd á opnum mótum og einnig fengið niðurgreitt úrtöku fyrir landsmót og landsmótsgjald.

Keppendur eru beðnir um að hafa samband við Valgerði í síma 661-2046 eða á netfangið [email protected]

Það var fjör hjá krökkunum á skautum í skautahöllinni og allir sammála um að þetta þyrfti að endurtaka. Nokkrar myndir frá skautahöllinni eru komnar í myndaalbúmið.

Næsti viðburður hjá æskulýðsdeildinni er fimmtudaginn 14. apríl en þá verður boltadagur. Staðsetning og tími verða auglýst þegar nær dregur.

Kveðja, æskulýðsdeildin.

Föstudaginn 15. apríl kl. 18:00 verður fundur í Gjánni með formanni reiðveganefndar LH og Sæmundi Eiríkssyni umsjónarmanni kortasjá LH. Þeir ætla að kynna fyrir okkur kortasjána og ræða um reiðvegi og hestamennsku.

Kveðja, stjórnin.

Minnum á að skráning á folaldasýninguna og skráning í fjölskylduferðina lýkur í kvöld.

Sjá auglýsingar neðar á síðunni.

Pollar - ekki raðað í sæti

Albert

Bríet Rut

Íris Mjöll

Kara Mjöll

Sindri Snær

Þórey Tea

Barnaflokkur

1.sæti Lilja Rós Jónsdóttir og Órator frá Götu

2.sæti Magnús Máni Magnússon og Köggull frá Borgarnes

Unglingaflokkur

1.sæti Sylvía Sól Magnúsdóttir og Byr frá Grundarfirði

2.sæti Jakob Máni Jónsson og Prins frá Götu

Fullorðinsflokkur

1.sæti Jóhanna Harðardóttir og Byr frá Grundarfirði

2.sæti Jón Ásgeir Helgason og Prins frá Götu

3.sæti Steingrímur Pétursson og Tign frá Leirulæk

Nú er komið að áður auglýstri ferð í dagskránni föstudaginn 8. apríl.

Við ætlum að fara í skautahöllina og mömmur, pabbar og systkini eru velkomin með.

Skráning í ferðina er hjá Jóhönnu í síma 848-0143 til kl. 20:00 fimmtudagskvöldið 7. apríl og gjald er 500 kr. á mann.

Farið verður á einkabílum og lagt af stað frá Grindavík kl. 16:30. Ef einhverju barni vantar far verður að láta vita við skráningu og einnig nánari upplýsingar gefnar.

Kveðja æskulýðsdeild.