22.05.2015 14:00
Töltmótið
Töltmót Brimfaxa verður föstudaginn 29 maí.
Mótið hefst kl. 18:00 og er fyrir alla skuldlausa félagsmenn.
Keppt verður í tölti (T7) í þessari röð:
Pollaflokk
Barnaflokk
Unglingaflokk
Ungmennaflokk
Kvennaflokk
Karlaflokk
Veitt verða verðlaun fyrir öll sæti í yngri flokkum en þrjú efstu í kvenna- og karlaflokk.
Þáttökugjald er 1500 kr. fyrir kvenna- og karlaflokk en frítt í yngri flokka.
Hægt er að greiða inn á reikning Brimfaxa: 530410-2260 0146 - 15 - 250134
Skráning á mótið er hjá Ragga í síma 699-8228 eða á netfangið [email protected]
Síðasti skráningardagur er þriðjudagskvöldið 26. maí.
Eftir mót er fyrirhugað að grilla og við munum senda út nánari tilkynningu um það þegar nær dregur.
Kveðja, mótanefnd.
18.05.2015 22:10
Lagfæring á girðingu o.fl.
Laugardaginn 23. maí ætlum við að hittast kl. 10:00 og laga girðinguna og taka til.
Allir velkomnir og margar hendur vinna létt verk.
Kv. Stjórnin.
18.05.2015 07:51
Íþróttamót Sörla
Aldís var í 4. sæti í B-úrslitum í fjórgangi unglinga á opna íþróttamóti Sörla sem var um helgina.
Á myndinni má sjá Aldísi á hryssuni sinni Gleði frá Firði á mótinu.
15.05.2015 22:02
Úrval Útsýn kynnir skemmtilega ferð á HM 2015
Þau hjá Úrval Útsýn eru búin að setja saman spennandi ferð á HM í Herning, sem þau kalla "Frábær ferð eftir fyrri slátt", þar sem farið verður í gegnum Hamborg, áður en leiðin liggur til Herning, til að fá sem mest út úr ferðinni.
Flogið til Hamborgar 2.ágúst og byrjað á því að fara í heimsókn á íslenskan hestabúgarð í útjaðri Hamborgar, Vindhóla (www.vindholar.de) sem Íslendingurinn Einar Hermansson rekur ásamt konu sinni sem er þýsk. Þaðan er keyrt í rútu upp til Schleswig þar sem borðaður verður kvöldmatur og gist á notalegu sveitahóteli (kvöldmatur og morgunverður innifalið). Þar mun Sigurður Sæmundsson fararstjóri segja sögur og spá í spilin. Daginn eftir er keyrt áfram upp til Herning með viðkomu á Víkingasafninu 'Viking Museum Haithabu'. Komið til Herning að kvöldi 3.ágúst og gist á Scandic Regina hótelinu 3.-10.ágúst.
Hér má sjá allt um ferðina: http://www.urvalutsyn.is/hm-islenska-hestsins/
Með kveðju / Best regards / Mit freundlichen Grüssen
Vera Vilhjálmsdóttir
----------------------------------------------------------------------------------
Landssamband hestamannafélaga /
Landsmót hestamanna ehf.
Íþróttamiðstöðinni Laugardal
104 Reykjavík
s. 514 4030
11.05.2015 20:42
Töltmót Brimfaxa
Töltmót Brimfaxa verður haldið föstudaginn 29. maí kl. 18:00
Keppt verður í pollaflokk, barnaflokk, unglingaflokk, ungmennaflokk, kvennaflokk og karlaflokk.
Eftir mót er fyrirhugað að grilla og hafa gaman saman.
Mótið verður auglýst betur þegar nær dregur.
Kveðja, mótanefnd.
08.05.2015 13:59
Fleiri myndir frá 1. maí
Fleiri myndir frá 1. maí ferðinni eru komnar í myndalbúmið sem Jóhanna Harðard. og Sylvía Sól tóku.
04.05.2015 13:50
Myndir frá 1. maí
Munda tók nokkrar myndir í 1.maí ferðinni sem eru komnar í myndaalbúmið.
27.04.2015 18:41
Námskeið fyrir ungmenni sem stefna á úrtöku fyrir HM
Boðið verður upp á námskeið/aðstoð við þjálfun fyrir öll ungmenni sem stefna á úrtöku fyrir heimsmeistaramótið í sumar. Kennari verður Þórarinn Eymundsson. Námskeiðið verður haldið í Andvarahöllinni núna um helgina 2.-3. maí og hefst kl. 8:30.
Allar nánari upplýsingar veitir Páll Bragi liðsstjóri landsliðsins.
Skráning er hafin á Sportfeng, námskeið, Ungmenni sem stefna á úrtöku fyrir HM
Bestu kveðjur,
Páll Bragi
27.04.2015 14:00
Ísólfsskálareið
Kæru félagar.
Á föstudaginn 1. mai ætlum við Brimfaxafélagar að fara í okkar árvissu Ísólfsskálareið, lagt verður af stað kl. 13.00 frá hesthúsunum.
Það verða veitingar á staðnum þannig að fólk þarf að hafa með sér pening ekki kort. Fullorðnir 1000. kr börn 500.
Kær kveðja.
Formaðurinn.
21.04.2015 15:06
Kvennatölt Spretts
Fljóð frá Grindavík sem er ræktuð af og í eigu Styrmis Jóhannssonar varð í 4. sæti í A-úrslitum í byrjendaflokk á Kvennatölti Spretts sem var 18. apríl sl. Knapi hennar var Marie-Josefine Naumann og voru þær í 1.sæti inn í A-úrslit og eftir harða úrslitakeppni urðu þær í 4. sæti sem er frábær árangur hjá nýliðum í keppni.
Brimfaxi átti þrjá fulltrúa á mótinu en Stella Ólafsdóttir og Katrín Eyberg kepptu í byrjendaflokk og Valgerður Valmundsdóttir í Minna vanar flokk og allar stóðu sig vel og sýndu góða sýningu.
Á mótinu mátti sjá fleiri ræktunarnöfn frá Grindavík, en Jóhanna Ólafsdóttir keppti á Heklu frá Grindavík í byrjendaflokk en Hekla er ræktuð af Ólafi R. Sigurðssyni.
Yfir 150 konur kepptu á kvennatölti Spretts sem er metþáttaka og knapar og ræktendur úr Grindavík létu sig ekki vanta.
Meðfylgjandi mynd er af Valgerði á Pöndru frá Álfhólum á kvennatöltinu og við óskum eftir myndum frá mótinu og þær má senda á [email protected]
20.04.2015 13:26
Skjal frá Sótamönnum
Sótafélagar létu Brimfaxafélaga hafa þakkarskal fyrir móttökurnar sl. laugardag, á skjalinu er vísa sem er eftirfarandi:
Til Grindavíkur er leiðin greið
glöð frá nesinu leggjum á skeið
með reistan makka
við viljum þakka
Brim-faxa félögum þessa reið
Meðfylgjandi myndir eru af skjalinu og Steinunni Guðbjörnsdóttur og Hilmari Larsen sem Munda tók. Brimfaxi vill þakka Sóta fyrir frábæra heimsókn.
17.04.2015 15:16
Hestaferðin í sumar
15.04.2015 08:31
Reiðtúr með Sótamönnum
Laugardaginn 18. apríl ætla félagsmenn úr hestamannafélaginu Sóta á Álftanesi að koma í heimsókn og fara í reiðtúr með okkur Brimfaxafélögum.
Reiðtúrinn hefst kl. 14:00 og við leggjum af stað frá hesthúsinu að Þórkötlustöðum og förum Hópsneshringinn og endum reiðtúrinn á kaffiveitingum og léttu spjalli.
Allir velkomnir.
Kveðja, formaðurinn.
13.04.2015 15:40
Lokamót vetrarleika Sóta
Sylvía Sól Magnúsdóttir var í 1. sæti á Sigurfara frá Húsavík í 17 ára og yngri flokk á opna þrígangsmóti Sóta sem haldið var 11. apríl sl.
Sylvía varð einnig á sama móti í 5. sæti í hindrunarstökki á Sigurfara frá Húsavík.
Opna þrígangsmót Sóta var þriggja leikja mótaröð og stigakeppni þar sem keppt var í tveimur aldursflokkum í smala, brokk og hindrunarstökki og svo ein- tví- og þrígang þar sem Sylvía Sól sigraði stigakeppnina þar sem hún var stigahæst í sínum aldursflokk.
Til hamingju Sylvía Sól með frábæran árangur.
© 2023 123.is | Nýskrá 123.is síðu | Stjórnkerfi 123.is