19.03.2016 22:01

Skráning á smalamótið

Skráningu á smalamótið í yngri flokka (polla- barna- og unglingaflokka) lýkur í kvöld, nauðsynlegt er að skrá á mótið en skráning er hjá Jóhönnu í síma 848-0143.

17.03.2016 15:22

Framhaldsaðalfundur 29. mars

Framhaldsaðalfundur verður haldinn þriðjudaginn 29. mars kl. 19:30 í Salthúsinu.
Fundarefni:
Reikningar félagsins
Önnur mál
Kveðja, stjórnin.

16.03.2016 19:07

Smalamót

Smalamót æskulýðsdeildar sem átti að vera nk. laugardag verður frestað fram á fimmtudaginn 24. mars (skírdag) en þá verður smalamót fyrir bæði börn og fullorðna.
Mótið verður í reiðhöllinni hjá Palla og Mundu.

Keppt verður í barna, unglinga og pollaflokkum og fullorðinsflokk.
Yngri flokkarnir byrja kl. 13:00
Fullorðinsflokkur byrjar kl. 16:00

3 efstu sætin í barna- og unglingaflokkum verðlaunuð en allir verðlaunaðir í pollaflokk.
Ekkert skráningargjald.
3 efstu sætin í fullorðinsflokk verðlaunuð.
Skráningargjald 1000 kr. og greiðist á staðnum.

Nauðsynlegt er að skrá í barna, unglinga, og pollaflokkana.
Skráningafrestur er til miðnættis sunnudaginn 20. mars.
Skráning er hafin í síma 848-0143

Kveðja, æskulýðsdeild og mótanefnd.

12.03.2016 11:43

Fatamátun 13. mars

Á morgun sunnudaginn 13. mars frá kl. 16:00 - 18:00 verður mátun á peysum og jökkum á kaffistofunni hjá Palla og Mundu.
Í boði eru 66norður flíspeysur á fullorðna og börn og Hrímnir jakkar frá Líflandi á fullorðna.

Verð á flíspeysum á börn er 3000 kr.
Verð á flíspeysum á fullorðna er 13.000 kr.
Verð á fullorðins flíspeysum á yngri er 9.000 kr.
Verð á jökkum á fullorðna er 25.000 kr.

Lífland styrkir Hrímins jakkana og 66 norður styrkir peysurnar.
Brimfaxi niðurgreiðir barnapeysur og peysur í fullorðinsstærðum fyrir börn, unglinga og ungmenni.
Það er lítið mál að semja við Styrmi um greiðslur.
Ef einhver kemst ekki á sunnudaginn, má hafa samband við Valgerði í síma 661-2046 fram að hádegi mánud. 14. mars.

Kveðja
Æskulýðsnefnd.

08.03.2016 21:19

Folaldasýning 9 apríl

Folaldasýningin verður laugardaginn 9. apríl 2016.
Maggi Lár mun dæma og gefa umsögn og þrjú efstu folöld í hvorum flokk verða verðlaunuð.
Nánar auglýst síðar.

Styrktaraðili er Gluggar & Gler.

06.03.2016 16:43

Leikja- og pizzukvöld

Minnum á leikja- og pizzukvöldið á morgun 7. mars. Ætlum að vera í réttinni ef veður leyfir, annars ætlar hún Munda að veita okkur skjól. Mæting kl. 17:00 og við verðum til ca. 18:30.
Vonandi sjáum við fullt af fjörugum Brimfaxakrökkum!

01.03.2016 11:01

Stútfull dagskrá í mars

Dagskráin í mars er stútfull af allskyns viðburðum í Brimfaxa.
Folaldasýningin er ódagsett en félagsreiðtúrarnir eru á sínum stað á sunnudögum kl. 13:00 og reiðnámskeiðið á miðvikudögum.
Reiðhöllin hjá Palla og Mundu er sem fyrr opin fyrir alla Brimfaxakrakka á fimmtudögum frá kl. 15:00 - 16:30.
Æskulýðsdeildin er með leikja- og pizzukvöld mánudaginn 7. mars, smalakeppni laugardaginn 19. mars og páskabingó miðvikudaginn 23. mars.
Sjáumst.

26.02.2016 15:23

Þrautabraut

Krakkarnir á reiðnámskeiðinu fóru í þrautabrautir í staðinn fyrir kennslutímana sem féllu niður þann dag, þar sem kennarinn fór erlendis að keppa á World Tölt í Danmörku.
Sumir fengu líka að prufa og mátti sjá þar mjög efnilega unga hestaíþróttamenn.
Nokkrar myndir frá deginum eru í myndaalbúminu.

24.02.2016 21:47

Hestaferð 2016

Ferðanefnd Brimfaxa er búin að skipuleggja hestaferð dagana 8 - 11 júlí í sumar.
Búið er að panta skálann að Kletti í Þjórsárdal í þrjár nætur og planið er að fara dags ferðir út frá skálanum. Ferðin byrjar og endar í Stóru-Mástungu 2 í Gnúpverjahreppi ofan við Árnes. Dagleiðirnar eru um 25 km. þannig að 2 hestar ættu að duga flestum. Haldin verður kynningarfundur í maí. (nánar auglýst síðar)
Skráning og frekari upplýsingar eru hjá ferðanefnd.

20.02.2016 12:34

Félagsreiðtúrar á sunnudögum

Minnum á að félagsreiðtúrar verða alla sunnudaga í vetur.
Mæting á horninu hjá Styrmi og lagt af stað kl. 13:00.

19.02.2016 13:44

Öryggisfræðslan

Öryggisfræðsla æskulýðsdeildar Brimfaxa var haldin 16. feb. 2016. Valgerður byrjaði fræðsluna á að fræða gesti um öryggi í reiðtygjum og reiðfatnaði og því næst sagði Otti Rafn frá því hvernig 112 appið virkar, öryggi í útivist og útreiðum, viðbrögð við slysum og svo lengi mætti telja.
Nokkrar myndir frá fræðslunni má sjá í myndaalbúminu.

17.02.2016 21:51

Vinna í höllinni

Það vantar alltaf vinnuafl í reiðhöllina og við hvetjum alla að koma og hjálpa til. Nóg er af verkefnum og allir geta gert eitthvað í höllinni okkar sem er á lokasprettinum.
Kveðja, stjórnin.

14.02.2016 15:07

Öryggisfræðsla í björgunarsveitarhúsinu

Þriðjudaginn 16 feb. kl. 17:00 verður æskulýðsdeildin með fræðslu í björgunarsveitarhúsinu (Seljabót 10) sem varðar öryggi í útreiðum. Otti Rafn Sigmarsson kemur og kynnir 112 appið og fræðir einnig um hin ýmsu öryggismál.
Allir velkomnir.

03.02.2016 11:15

Reiðnámskeið

Reiðnámskeið hefst miðvikudaginn 10 febrúar og verður kennt á miðvikudögum í 6 skipti.
Kennt verður 10 og 17 feb. (24 feb. dettur út) 2, 9, 16 og 23 mars.
Kennt verður í reiðhöllinni hjá Palla og Mundu.
Reiðkennari verður Anna Björk Ólafsdóttir.

Takmarkað pláss og um að gera að panta strax en skráningu lýkur sunnudaginn 7. febrúar.
Börn og unglingar frá 6 - 16 ára sem ekki eiga hesta geta leigt hesta hjá Brimfaxa.
Grindavíkurbær niðurgreiðir barna- og unglinganámskeiðin og Brimfaxi niðurgreiðir akstursgjald kennara fyrir börn, unglinga og fullorðna.
Hópatímar fyrir börn og unglinga eru 50 mínútur.
Tímar fyrir fullorðna er 40 mín. en fyrsti tíminn er 50 mín.

Hópur 1 - Kennsla með leiguhestum
Byrjar kl. 15:00
Verð: 7.500 kr. alls.

Hópur 2 - Börn
Byrjar kl. 16:00
Verð: 5.000 kr. alls.

Hópur 3 - unglingar
Byrjar kl. 17:00
Verð: 5.000 kr. alls.

Fullorðnir:
Kennt verður frá kl 18:00
Verð 48.000 kr. alls.

Skráning fer fram í síma 848-0143.
Greiðsla fer fram við skráningu með að leggja inn á reikning Brimfaxa og senda staðfestingu á netfangið styrmir@fms.is og taka fram nafn þáttakanda.
Reikningsnúmer 0146 - 15 - 250134
Kennitala 530410-2260

20.01.2016 14:56

Þorrareið á sunnudaginn

Sunnudaginn næstkomandi 24. janúar ætlum við að byrja okkar vetrardagskrá á þorrareið. Mæting á horninu hjá Styrmi og lagt af stað klukkan 13:00. Takið svo næstu sunnudaga frá því ætlunin er að hafa fèlagsreiðtúra á sunnudögum klukkan 13:00.
Vonandi sjáum við sem flesta !
Stjórnin.

Flettingar í dag: 68
Gestir í dag: 25
Flettingar í gær: 108
Gestir í gær: 28
Samtals flettingar: 646912
Samtals gestir: 79443
Tölur uppfærðar: 12.12.2017 07:55:26