05.01.2015 11:21

Fyrirlestur um þáttöku Anítu Margrétar í Mongal Derby

Föstudagskvöldið 16. janúar n.k. kl. 20:00 mun Anita Margrét Aradóttir Mongólíukappreiðarkona koma í heimsókn til okkar í Brimfaxa til þess að segja okkur frá því einstaka ævintýri sínu þegar hún fór 1.000 kílómetra út fyrir þægindarammann á mongólskum hestum í Mongol Derby kappreiðinni. Sú keppni er ein sú erfiðasta og hættulegasta í heimi skv. heimildum Guinnes. Aníta var valin kona ársins af ritstjórn Nýs lífs árið 2014 vegna afreka sinna. Hún mun leiða okkur í sannleikann um það hvað þarf til að taka slíkt ævintýri á hendur.

Aníta Margrét hefur gefið út bók um ævintýrið sem hún mun bjóða áhugasömum til sölu á staðnum og árita.

Aðgangseyrir er 500 kr. og eru allir áhugasamir velkomnir á fyrirlesturinn í húsi
Verkalýðsfélags Grindavíkur, Víkurbraut 46, þann 16. janúar nk. kl. 20:00
Fyrirlesturinn höfðar jafnt til fullorðinna sem barna.

Hestamannafélagið Brimfaxi og Kvennadeild Brimfaxa.

02.01.2015 13:31

Hvatningarverðlaun

Sylvía Sól Magnúsdóttir fékk hvatningarverðlaun Afrekssjóðs Grindavíkur og UMFG á kjöri íþróttmanns og íþróttakonu Grindavíkur 2014.
Frétt um alla verðlaunahafa má sjá á heimasíðu Grindavíkurbæjar eða hér:

Sylvía Sól Magnúsdóttir - Hestmannafélagið Brimfaxi

Sylvía Sól er áhugasamur hestamaður sem stundar sína íþrótt allt árið um kring af miklu kappi hvort sem umræðir keppni eða þjálfun. Hún hefur sótt þau reiðnámskeið sem henni hafa staðið til boða og á eigin vegum sótt æfingar bæði hjá reiðkennurum og leiðbeinendum, hún hefur ekki látið veður né annað stöðva sig í að mæta á sínar æfingar og sýndi að með miklum dugnaði og metnaði er hægt að bæta sig og og ná takmörkum sínum.
Sylvía hefur tekið þátt í öllum innanhúsfélagsmótum Brimfaxa og keppt á opnum íþrótta- og gæðingamótum fyrir hönd félagsins með góðum árangri og verið félaginu til sóma bæði inná velli og utan.

01.01.2015 19:11

Reiðhöll

Verðum í reiðhöllinni á morgun, föstudag kl. 8:00. Þeir sem geta mætt láti sjá sig, nóg er að gera fyrir jákvætt og skemmtilegt fólk.
Kv.
Formaðurinn.

31.12.2014 18:01

Gleðilegt nýtt ár

Kæru Brimfaxafélagar.
Stjórn Brimfaxa óskar ykkur gleðilegs árs og vonar um leið að nýja árið verði gott til útreiða og hallarbyggingu.
Gangið hægt um gleðinnar dyr og sýnið aðgát við flugeldana.
Kær kveðja
Stjórn Brimfaxa.

30.12.2014 13:06

Úlpur og jakkar

Mátunardagur á Softshell jökkum fyrir börn verður fljótlega á nýju ári.

Því miður verður breyting á úlpum fyrir fullorðna, en það kom í ljós við pöntun að það eru ekki til allar stærðir og því verða nýjar úlpur í boði og þær verða til sýnis og mátunar á sama tíma.
Nýju úlpurnar eru ódýrari og kosta 17.500 kr.og barnajakkarnir 8.500 kr.
Það er sama fyrikomulag að hægt verður að skipta greiðslum.

Dagsetning fyrir mátunardag verður auglýst fljótlega.

Með bestu kveðju.
Fatanefnd.

26.12.2014 20:53

Jólapakki

Gleðilega hátíð kæru Brimfaxafélagar.
Við eigum von á jólapakka á morgun og ætlum að mæta í Stakkavík kl. 10 á morgun 27 des. og síðan förum við þaðan fylktu liði upp í höll og opnum pakkann.
Mikilvægt er að sem allra flestir mæti svo við getum rætt málin og skipulagt verkefnin er framundan eru.
Kær kveðja
Formaðurinn.

06.12.2014 22:28

Dagskrá 2015

Dagskrá fyrir 2015 hefur tekið á sig mynd. Dagskráin er þó enn í vinnslu en hana má finna undir tenglinum hér að ofan.

03.12.2014 14:45

Úlpurnar

Fatanefnd verður með úlpur til að máta fram að helgi ef það var einhver sem komst ekki til að máta í gær. Þið getið haft samband við Katrínu í síma 848-8226 eða á netfangið katrin_osp@hotmail.com

Kv. fatanefnd.

02.12.2014 10:55

Mátun

Minnum á að í kvöld (þriðjud. 2. des) verður mátun á úlpum frá kl. 19:30 - 21:00 í hesthúsinu hjá Palla og mundu. Athugið að aka inn portið og fara þar inn í húsið.

Úlpur á fullorðna kosta 18.500 kr. en barnajakkar 10.500 (með niðurgreiðslu 8.500)
Athugið að hægt er að skipta greiðslu eftir þörfum, en hafið samband við Styrmi eða Katrínu um það.

Kv. fatanefnd.

30.11.2014 13:34

Félagsgjöld

Greiðsluseðlar fyrir félagsgjöld fyrir árið 2015 verða sendir í heimabanka í enda des.
Upplýsingar um félagsgjöld eru á heimasíðu Brimfaxa undir "um félagið" eða á slóðinni:

Þeir sem vilja geta fengið að skipta greiðslunni.
Vinsamlegast hafið samband við Styrmi í síma 824-2413 eða á netfangið styrmir@fms.is

29.11.2014 11:05

Úlpur - BREYTT!

Þriðjudaginn 2. des. frá kl. 19:30 - 21:00 í hesthúsinu hjá Palla og Mundu, verður fatanefnd með mátunartíma á úlpum fyrir fullorðna.

Í boði verða úlpur fyrir fyrir konur og karlmenn og verð á úlpunum verða gefin upp þegar nær dregur eða á staðnum.

Fatanefnd mun í næsta mánuði hafa mátunardag fyrir börn, en í boði verða softshell jakkar og Brimfaxi mun niðurgreiða að upphæð 2000 kr. á barnajakka.
Nánar auglýst síðar.

Vinsamlegast athugið að aka inn í portið og fara þar inn í húsið.

Kv. fatanefnd.

28.11.2014 20:07

Reiðhallarvinna á morgun

Kæru félagar.
Við steyptum í höllinni í dag 28. nóv. og var það stór áfangi á okkar leið, nú þurfum við að mæta á morgun og rífa utanaf og hreinsa mótin.
Allir geta gert eitthvað geti þeir mætt, bæði kyn og gaman væri að sjá sem flesta mæta og sýna samstöðu í verki.
Mætum á morgun kl. 10 laugardaginn 29. nóv.
Kv.
Formaðurinn.

22.11.2014 15:45

Kortin

Myndir frá jólakortagerðinni er komnar í myndaalbúmið.
Við viljum þakka öllum sem mættu fyrir frábæra samveru, Stakkavík fyrir aðstöðuna og Gluggar & Gler ehf. http://gluggaroggler.is/ fyrir veglega pizzuveislu sem var í boði í lokin.
Kv. æskulýðsnefnd.

21.11.2014 20:31

Reiðhallarvinna 22. Nóv.

Þeir sem geta mætt í reiðhöllina á morgun laugardag 22 nóv. kl. 10 láti sjá sig.
Það eru örfá handtök eftir til að geta steypt og svo tökum við til og hendum ruslinu.
Kv. Formaðurinn.

Flettingar í dag: 68
Gestir í dag: 25
Flettingar í gær: 108
Gestir í gær: 28
Samtals flettingar: 646912
Samtals gestir: 79443
Tölur uppfærðar: 12.12.2017 07:55:26