12.11.2014 17:23

Auglýsing frá Dýralæknastofu Suðurnesja

Hestamenn á Suðurnesjum!

Dýralæknastofa Suðurnesja stendur fyrir fræðslufundi í félagsheimili Mána á Mánagrund
föstudaginn 21. nóvember kl. 18:00.

Sigríður Björnsdóttir dýralæknir hrossasjúkdóma leiðir fundargesti í allan sannleik um
ormasýkingar í hrossum.
Einnig ræðir hún um nýju reglugerðina um velferð hrossa.

Húsið opnar kl. 17:45 og fundurinn hefst kl. 18:00

Enginn aðgangseyrir og heitt á könnunni.

03.11.2014 19:08

Hádegisfyrirlestur 5. nóv - leiðir að árangursríkum foreldrasamskiptum

 

Miðvikudaginn 5. nóvember verður opinn hádegisfundur í E-sal Íþróttamiðstöðvarinnar í Laugardal og hefst hann kl.12:10. Þar mun Margrét Sigmarsdóttir upppeldissálfræðingur fjalla um erfið foreldrasamskipti og leiðir til að gera samskiptin árangursríkari.
 
Farið verður yfir gagnlegar aðferðir í virkum samskiptum, lausnaleit og tilfinningastjórnun. Sjónarhorn þjálfarans verður í brennidepli.
 
Þátttakan er ókeypis og öllum heimil. Skráning fer fram á skraning@isi.is
 
Að lokinni framsögu mun verða opið fyrir spurningar úr sal. 
Hægt verður að fylgjast með fyrirlestrinum á netinu með því að smella á tengilinn hér:
 
 
Kær kveðja
Þórarinn Alvar Þórarinsson
Íþrótta- og Ólympíusamband Íslands
 

 

29.10.2014 13:09

Myndir frá aðalfundinum

Myndir frá aðalfundinum eru komnar í myndaalbúmið.

27.10.2014 13:25

Íþróttamaður Brimfaxa

Í fyrsta sinn nú í ár var íþróttamaður Brimfaxa valinn og voru verðlaunin afhent á aðalfundi félagsins þann 22. október. Í þetta sinn voru 2 stúlkur úr unglingaflokki valdar, þær Aldís Gestsdóttir og Sylvía Sól Magnúsdóttir. Þær hafa kept á allnokkrum opnum mótum fyrir Brimfaxa á árinu í fjórgangi og tölti. Með dugnaði og metnaði hafa þær farið vaxandi með hverju móti og verið félagi sínu til sóma og fyrirmyndar.

Verðlaunin voru glæsilegir áritaðir glerplattar og verslunin Hestar og menn gáfu höfuðleður, nasamúl og buff.

23.10.2014 14:57

Kvennadeild Brimfaxa


Kvennadeild Brimfaxa var stofnað á aðalfundi Brimfaxa 28. nóvember 2013. Markmið deildarinnar er að efla samstöðu og samvinnu kvenna innar Brimfaxa einkum með því að standa fyrir fræðslu, skemmtanahaldi og fjáröflun fyrir félagið okkar.

Það helsta sem við tókum að okkur á þessu fyrsta ári okkar var að sjá um kaffiveitingar á dráttarvélasýningu hjá Hemma staðsett í Geoplank. Einnig sáum við um kaffisölu á Kattarsýningu í Brimfaxahöllinni, þrátt fyrir að ekki er allt tilbúið þar. Farið var í skemmtilega kvennareið þar sem konur skemmtu sér vel saman á gæðingum sínum.

Stjórn Kvennadeildar Brimfaxa býður þig velkomna til starfa með okkur í nýstofnaðri kvennadeild félagsins. Við tökum fram að ekki er nauðsynlegt að fara á hestbak til að vera í hestamennsku, aðeins að vera með og taka þátt í félagsstarfinu okkar.

Á meðfylgjandi mynd má sjá hluta stjórnar þær Guðveigu, Sigríði og Kristólínu færa formanni Brimfaxa Hilmari gjöf frá kvennadeilinni sem mun koma sér vel í reiðhöllinni kaffivél, kaffikönnu og rafmagnssúpupott.

Fyrsta stjórn félagsins er skipuð eftirfarandi konum.

Formaður: Guðveig Sigurlaug Ólafsdóttir
Ritari: Guðmunda Kristjánsdóttir
Gjaldkeri: Kristólína Þorláksdóttir
Meðstjórnandi: Jónína Berglind Ívarsdóttir
Meðstjórnandi: Kolbrún Jóhannsdóttir
Meðstjórnandi: Sigríður Helga Guðmundsdóttir
 
Fyrir hönd kvennadeildar Brimfaxa
Guðveig Sigurlaug Ólafsdóttir, formaður.

 

22.10.2014 23:05

Ný stjórn Brimfaxa

Hilmar Knútsson var endurkjörin formaður Brimfaxa á aðalfundinum.
Nýja stjórn skipa (talið frá vinstri á myndinni)
Styrmir Jóhannsson
Jón Ásgeir Helgason
Jóhanna Harðardóttir
Hilmar Knútsson
Steingrímur Pétursson

21.10.2014 21:44

Aðalfundurinn

Heil og sæl öllsömul.
Um leið og ég minni á fundinn í Salthúsinu á morgun 22. okt. kl. 20:00 þá birti ég dagskrá fundarins eins og hún verður.

1. Formaður setur fundinn og tilnefnir fundarstjóra og ritara.
2. Skýrsla stjórnar.
3. Gjaldkeri fer yfir reikninga  félagsins og fjárhagsáætlun næsta árs.
4. Umræða um skýrslu stjórnar og reikninga félagsins.
5. Skýrsla Æskulýðsnefndar.
      Kaffihlé
6. Jón G. Óttarsson fer yfir reikninga og stöðu reiðhallarinnar.
7. Árgjald ákveðið.
8. Kosning formanns.
9. Kosning stjórnar
10. Önnur mál.
11. Fundi frestað fram á nýtt ár.

14.10.2014 22:29

Íslenski hesturinn

Hér er vefsíða um íslenska hestinn, þar sem má finna ýmsan fróðleik.

12.10.2014 17:37

Aðalfundurinn 22. okt.

Sælir félagar.
Þar sem okkar ástsæli gjaldkeri varð fyrir þeirri óskemmtilegu lífsreynslu að lenda í árekstri og slasast, þá ætlum við að færa aðalfundinn aftar. Við setjum hann á miðvikudaginn 22. október kl. 20 og vonumst til að Styrmir verði farinn að braggast. Um leið og við óskum Styrmi góðs bata þá vonum við að þið látið sjá ykkur sem flest á fundinum.
Kv.
Stjórnin.

07.10.2014 18:13

Námskeið fyrir þig!

Aðsent.

Frumtamningar á Miðfossum.
Markmið námskeiðsins er að nemendur öðlist innsýn í eðli og atferli hrossa og nái hæfni til að beita viðurkenndum aðferðum við frumtamningar hrossa. Í lok námskeiðs eru öll hross orðin reiðfær, sem þýðir að þau hafa grunnskilning á helstu ábendingum og hægt verður að ríða þeim í frjálsri reið.

 Á námskeiðið mætir hver nemandi með eitt ótamið unghross sem þó má vera bandvant. Innifalið í verði er aðstaða fyrir hrossin á vinnuhelgum á Miðfossum og hámarksfjöldi nemenda er 12, með eitt hross hver.

Kennari: Sigvaldi Lárus Guðmundsson tamningamaður og reiðkennari við LbhÍ.

Tími: Fös. 7. nóv, kl. 17-19, lau. 8. nóv, kl. 9-17, sun. 9. nóv, kl. 9-17, fös. 14. nóv, kl. 17-19, lau. 15. nóv. kl. 9-17, sun. 16. nóv. kl. 9-17, fös. 28. nóv, kl. 17-19, lau. 29. nóv, kl. 9-17, sun. 30. nóv, kl. 9-17 og fös. 12. des, kl. 17-19, lau. 13. des,   kl. 9-17 og sun. 14. des, kl. 9-17 hjá LbhÍ á Miðfossum (96 kennslustundir)

Verð: 89.000kr (matur og gisting er ekki innifalið í verði)

Skráðu þig núna!
Sími 433-5000

02.10.2014 18:54

Aðalfundi hnikað um einn dag

Kæru félagar.
Þar sem Helgi Björs er með tónleika í Salthúsinu 15. okt þá verðum við að hnika aðalfundinum um einn dag og halda fundinn þann 16. okt kl. 20 í Salthúsinu.
Vonandi veldur þetta ekki vandræðum í okkar röðum.
Hlakka til að sjá ykkur hress og kát og tilbúin að takast á við þau verkefni sem bíða ( svo sem 1 stk. reiðhöll. )
Kær kveðja.
Formaðurinn

24.09.2014 14:20

Umsókn um þjálfarastyrk

Stjórn Verkefnasjóðs ÍSÍ auglýsir hér með eftir umsóknum um þjálfarastyrki ÍSÍ. Þjálfarastyrkir ÍSÍ eru veittir íþróttaþjálfurum sem sækja sér menntun erlendis í formi námskeiða eða ráðstefna og bæta þekkingu sína í þjálfun, sem mun nýtast íþróttahreyfingunni á Íslandi. 

Umsóknarfrestur er til 10. október og er upphæð hvers styrkjar 100.000 krónur. Umsóknum skal skila á þar til gerðum eyðublöðum sem finna má á heimasíðu ÍSÍ http://www.isi.is/library/Skrar/Efnisveita/Eydublod/umsokn_um_thjalfarastyrk.pdf

Kær kveðja
Ragnhildur Skúladóttir
Íþrótta- og Ólympíusamband Íslands / The National Olympic and Sports Association of Iceland

18.09.2014 17:29

Námskeið í fararstjórn

Þriðjudaginn 23. september býður ÍSÍ upp á fararstjóranámskeið í E- sal Íþróttamiðstöðvarinnar í Laugardal  og hefst námskeiðið kl.17:00 og stendur til 19:30. Gústaf Adolf Hjaltason mun sjá um fræðsluna og veitir hann ýmsar gagnlegar upplýsingar til handa þeim fjölmörgu foreldrum og sjálfboðaliðum sem taka að sér fararstjórn innan íþróttahreyfingarinnar. Námskeiðið verður þátttakendum að kostnaðarlausu og fer skráning fram á skraning@isi.is

Kær kveðja
Ragnhildur Skúladóttir
Íþrótta- og Ólympíusamband Íslands / The National Olympic and Sports Association of Iceland

14.09.2014 18:55

59. Landsþing LH

 

59. Landsþing LH verður haldið á Selfossi, dagana 17. og 18. október 2014. Þingið er í boði hestamannafélagsins Sleipnis. Brimfaxi á 2 þingfulltrúa sem sitja þingið.

 

04.09.2014 14:02

þjálfaramenntun 1. 2. og 3. stigs ÍSÍ

Haustfjarnám 1. 2. og 3. stigs þjálfaramenntunar ÍSÍ mun hefjast mánudaginn 29. sept. nk. og tekur það átta vikur á 1. stigi en fimm vikur á hinum stigunum.  Nám allra stiga er allt í fjarnámi, engar staðbundnar lotur og gildir námið jafnt fyrir allar íþróttagreinar.  Námið hefur verið afar vinsælt undanfarin ár og þátttakendur komið frá fjölda íþróttagreina.  Námið veitir réttindi til íþróttaþjálfunar og jafnframt rétt til áframhaldandi náms til frekari réttinda.  Þátttökugjald á 1. stig er kr. 25.000.- og öll námskeiðsgögn eru innifalin í því verði og send á heimilisföng þátttakenda.  Þátttökugjald á hin stigin er kr. 18.000.-

   

Skráning er á namskeid@isi.is eða í síma 514-4000 og þarf henni að vera lokið fyrir föstudaginn 26. sept. Með skráningu þarf að fylgja fullt nafn, kennitala, heimilisfang, netfang og símanúmer og taka þarf skýrt fram á hvaða stig verið er að skrá.  Rétt til þátttöku á 1. stigi hafa allir sem lokið hafa grunnskólaprófi.


Allar nánari uppl. um fjarnámið og aðra þjálfaramenntun ÍSÍ gefur Viðar Sigurjónsson í síma 460-1467 & 863-1399 eða á vidar@isi.is   


Með bestu kveðju,


Viðar Sigurjónsson

Skrifstofustjóri ÍSÍ á Akureyri

Þjálfaramenntun ÍSÍ - Fyrirmyndarfélag ÍSÍ

Flettingar í dag: 229
Gestir í dag: 39
Flettingar í gær: 933
Gestir í gær: 45
Samtals flettingar: 813116
Samtals gestir: 93521
Tölur uppfærðar: 23.9.2018 18:44:01