20.12.2013 22:59

TREC


TREC - spennandi ný grein

TREC er spennandi ný grein sem er að byrja að ryðja sér til rúms hér á landi. Greinin er skemmtileg, spennandi og hestvæn og byggir á almennri hestamennsku. Mikil fjölbreytni einkennir TREC og ekki síst traustið milli manns og hests, í rauninni hestaleikur. Keppni í TREC samanstendur af þremur þáttum og miðar að því að finna sterkasta parið út úr þessum þáttum í lokin. Auðvelt er að vera með einhverja af þessum þáttum eða alla saman eftir aðstæðum og tíma. Verið er að leggja lokahönd á þýðingu á reglupakkanum og samræma reglurnar eftir atvikum íslenskum aðstæðum.

Fyrst ber að nefna ratleik,sem eftir á að útfæra betur. Keppendur fá að skoða kort af fyrirfram ákveðinni leið í um 20 mínútur fyrir start og færa punkta yfir á sitt eigið kort sem þeir hafa með sér ásamt áttavita. Þeir þurfa að koma við á ákveðnum stöðum á leiðinni, 8 stöðvum eða svo. Leiðin er mislöng á milli stöðva og gefin upp áætlaður meðalhraði á milli stöðva. Vegalengd og tími getur verið allt frá 20 til 35 km sem tekur ca. 4-6 tíma í reið. Það eru dómarar á eftirlitsstöðvunum sem fylgjast með að allir komi við og að allt sé í lagi með knapa og hest.

Annar hlutinn felst í þrautabraut sem er á bilinu 1000-1500 m að lengd og fjöldi þrauta er 16. Fjölbreytileiki þrauta og uppsetninga þeirra er mikill en til eru a.m.k. 32 skilgreindar þrautir s.s. að fara yfir brú, opna hlið, stökkva yfir hindrun o.fl. Dómarar meta skilvirkni parsins við að leysa þrautina, stíl þeirra og gangtegund og hugsanlegan frádrátt stiga vegna refsinga.

Þriðji hlutinn er gangtegundastjórnun. Þar sýnir parið hægt stökk, sem hægast á 2 m breiðri og 150 m langri braut og síðan fet til baka eins hratt og þau komast. Tíminn er mældur, lykilatriði er að vera á réttum gangi og hafa fulla stjórn á hestinum. Tímatafla er til um þetta verkefni sem gefur stig í samræmi við árangur.

LH hefur hafið kynnigarherferð á TREC og eru aðildarfélögin hvött til að vera á sambandi við skrifstofuna eða Sigurð Ævarsson sem allra fyrst. Mörg félög eru komin af stað og áhugi er mikill. Þetta hentar hestinum okkar mjög vel og er frábær viðbót í fjölbreytta flóru hestamennskunnar í landinu. Kynningin tekur ca 1,5 klst og gefur fólki góða innsýn í þessa skemmtilegu og fjölskyduvænu íþrótt sem allir geta tekið þótt í. Námskeið fyrir verðandi dómara, leiðbeinendur og þá sem vilja kynna sér þetta enn betur, verður í lok febrúar eða byrjun mars á næsta ári.

Skrifstofa Lh
lh@lhhestar.is
514 4030

13.12.2013 23:42

Vinna á morgun 14. des.


Sæl öllsömul.
Er ekki gott að hvíla sig á jólabakstrinum, jólakortunum og hreingerningunum og mæta upp í reiðhöll og aðeins að taka á því.
Við þurfum að setja þakið yfir kompurnar sem við höfum verið að útbúa og eitt og annað sem við gætum tínt til.
Mæting kl. 10.00 laugardaginn 14. des.
Kveðja formaðurinn.

06.12.2013 17:12

Dagskrá Mána

 
Dagskrá hestamannafélagsins Mána er komin á heimasíðu Mána.
Margir Brimfaxafélagar eru einnig Mánafélagar og frábært samstarf hefur verið á milli Brimfaxa og Mána. Þeir sem eru ekki í Mánafélaginu eru hvattir til að taka þátt í opnum viðburðum á Mánagrundinni.
Dagskrána má sjá hér: http://mani.is/dagskra/dagskra-2014
Góða helgi. smiley
 

05.12.2013 17:01

Jólakortin


Mynd: Jóhanna Harðardóttir

Krakkarnir í Brimfaxa mættu í Stakkavík að teikna, mála og lita á jólakort og umslög handa styrktaraðilum Brimfaxa. Létt var yfir krökkunum og að loknu verki var óvænt pizzuveisla sem vakti mikla lukku. Nokkrar myndir eru komnar í myndaalbúmið.
Kveðja,
Æskulýðsnefndin.

03.12.2013 11:17

Myndir frá aðalfundi



Nokkrar myndir frá aðalfundinum eru komnar í myndaalbúmið.

30.11.2013 16:04

Kvennanefnd Brimfaxa

Fyrsta kvennadeild Brimfaxa var stofnuð á aðalfundi Brimfaxa þann 28. nóvember 2013.
 
Nefndina skipa: (raðað eftir stafrófsröð)
Jónína Berglind Ívarsdóttir
Guðmunda Kristjánsdóttir
Guðveig Sigurlaug Ólafsdóttir
Kolbrún Jóhannsdóttir
Kristólína Þorláksdóttir
Sigríður Helga Guðmundsdóttir
 
Mynd: Stefán Þór Kristjánsson.
 
Talið frá vinstri:
Guðmunda, Kolbrún, Jónína, Guðveig, Sigríður og Kristólína.
 

29.11.2013 10:16

Jólakortagerð



Þann 4. des. nk (miðvikud.) frá kl. 17:30 - 19:30 ætlum við í æskulýðsdeild Brimfaxa að hittast í Stakkavík og gera jólakort sem við ætlum svo að senda til styrktaraðilana okkar.
Við verðum með arkir og umslög en gott væri að þeir krakkar sem geta, myndu koma með liti, penna, límmiða, lím, skæri eða eitthvað annað sem væri hægt að nota til að gera kortin. Ef einhver getur ekki komið með liti og fl. þá verðum við með ritföng sem þið getið notað og skipst á.
Kveðja
Æskulýðsnefndin.

27.11.2013 11:52

Aðalfundur 28.nóv.


Mynd: Styrmir Jóhannsson.

Minnum á aðalfund Brimfaxa sem verður á Salthúsinu fimmtudaginn 28.nóv. 2013 kl. 20:00
 
Kveðja, stjórnin.

21.11.2013 07:45

Forsala á landsmót 2014



21.Landsmót hestamanna verður haldið á Hellu dagana 30.júní -6.júlí 2014. Landsmótið er einn stærsti íþróttaviðburður sem haldinn er á Íslandi - viðburður sem enginn ætti að missa af.

Þér býðst að kaupa vikupassa á Landsmót á frábærum forsölukjörum!

Meðlimir í LH/BÍ greiða aðeins kr.12.000 fyrir vikupassann.

Athugið! Þetta dúndurtilboð stendur aðeins til og með 31.12.2013

Miðasalan er opin!
https://tickets.landsmot.is/

19.11.2013 07:42

Aðalfundur 28. nóv.



Aðalfundur Brimfaxa verður haldinn fimmtudaginn 28. nóvember kl. 20:00 á Salthúsinu.
Kveðja,
Stjórnin.

15.11.2013 19:40

Reiðhöllin í fyrramálið

Vinna á morgun í reiðhöllinni mæting kl. 10.00
Hlakka til að sjá ykkur hress og kát.
kv. Formaðurinn.

14.11.2013 13:51

Skýrslur

 
Skýrslur æskulýðsnefnda 2013 eru nú aðgengilegar á heimasíðu LH.
 
Æskulýðsnefnd Brimfaxa sendi inn sína skýrslu sem má sjá hér:

01.11.2013 22:03

Reiðhöllin

Heil og sæl öll sömul.
Á morgun laugardag ætlum við að vinna í reiðhöllinni við að innrétta og fl.
Vonandi sjáum við sem flesta hressa og káta kl. 10.00.
Kv. herra Hilmar formaður.
Flettingar í dag: 450
Gestir í dag: 38
Flettingar í gær: 891
Gestir í gær: 74
Samtals flettingar: 772848
Samtals gestir: 89011
Tölur uppfærðar: 19.6.2018 10:21:34