11.02.2018 22:18

Arif frá Ísólfsskála

Arif frá Ísólfsskála sem er í eigu og úr ræktun Kára Ölverssonar var í 7 sæti í A-úrslitum í fjórgangi í Suðurlandsdeildinni þann 6.feb. sl.

Suðurlandsdeildin er 12 liða keppni sem haldin er í Rangárhöllinni í vetur. 

01.02.2018 10:50

Framhaldsaðalfundur.

Framhaldsaðalfundur Brimfaxa verður haldinn 14. febrúar kl 20:00 í reiðhöll félagsins. 

 Dagskrá. 

 1. Reikningar félagsins. 
 2. Önnur mál.

14.01.2018 23:55

Helgin 20-21

Á næsta komandi laugardag stefnum við á að hafa tiltektar dag í reiðhöllinni, það er margt sem þarf að gera og hvetjum við flesta til að mæta og taka höndum saman. 


Sunnudagurinn fer í það að fara í okkar fyrsta félags reiðtúr og að hinum loknum er hægt að gæða sér á kaffi og vöfflum.

Hlökkum til að sjá sem flesta. 

13.01.2018 19:15

Teygjur fyrir hesta.

Mig langar að benda á Facebook síðu sem heitir Hestanudd og heilsa.
   Auður er lærður hestanuddari/sjúkraþjálfari og er ný flutt aftur til landsins eftir að hafa verið við nám í Noregi. 

Ég mæli með að kikja á síðuna hjá henni þar sem eru miklir fróðleiksmolar, svo er hún lika með myndbönd á YouTube þar sem hún sínir einfaldar teygju æfingar sem allir ættu að geta gert.

09.01.2018 23:02

Hvatningarverðlaunin

Pálmi Þrastarson fékk hvatningarverðlaun Brimfaxa

Pálmi er duglegur og efnilegur knapi sem á framtíðina fyrir sér í hestaíþróttum. Hann er virkur í félagsstarfi, alltaf jákvæður og brosandi.
Hann var í 2 sæti í unglingaflokk á smalakeppni Brimfaxa 2017 og nú á haustönn er hann í þriðja skipti í hestamennsku sem valfag í Grunnskóla Grindavíkur.

03.01.2018 23:01

Íþróttafólk 2017

Kjör íþróttafólks Grindavíkur var haldið í Gjánni á gamlársdag 2017.
Fyrir Brimfaxa voru Ragnar Eðvarðsson og Katrín Ösp Eyberg Rúnarsdóttir tilnefnd og hvatningarverðlaun fékk Pálmi Þrastarson.
Nánar um kjör íþróttafólks ársins má finna á heimasíðu Grindavíkur eða smella hér:

28.12.2017 22:41

Dagskrá 2018

Dagskrá fyrir 2018 er í vinnslu, en drög má sjá undir tenglinum "dagskrá 2018", og hún er birt með fyrirvara þar sem hún er ekki fullunnin.
 
Brimfaxi, Sóti, Háfeti og Ljúfur halda sameiginleg vetrarmót í vetur. Mótin verða fjögur alls en hvert félag heldur eitt mót á sínum heimavelli.
 
Félagsreiðtúrar verða alla sunnudaga í vetur og suma sunnudagana er áætlað að kvennanefnd verði með kaffi og vöfflusölu.
 
Reiðnámskeiðið verða nokkrar helgar í vetur, folaldasýning verður 17. mars og áætlað er að fara í ræktunarferð og fleira.

24.12.2017 12:56

Jólakveðja

Gleðileg jól og farsælt komandi ár.

19.12.2017 22:48

Aðsent

Jólagjöf hestamannsins!
 
Forsala miða á LM2018 er í fullum gangi og miðarnir rjúka út, enda er miði á Landsmót mögnuð gjöf í jólapakka hestamannsins! Getur ekki klikkað!
 
Verslanir Líflands um allt land selja miða og gjafabréf á LM2018 og einnig er hægt að fá miða á skrifstofu LH í Íþróttamiðstöðinni í Laugardal og á tix.is
 
Verð á vikupössum í forsölu:
 
Fullorðnir 15.900 kr.
 
Unglingar 7.900 kr.
 
Um áramótin hækkar miðaverðið í 18.900 kr. og 8.900 kr. svo það borgar sig að nýta sér forsöluverðið. Aðeins 3.500 miðar í boði á þessu verði gott fólk!
 
Gleðilega hátíð!


17.12.2017 15:06

Reiðnámskeið í vetur

 
Súsanna Sand Ólafsdóttir reiðkennari mun koma og kenna í vetur.
Súsanna er reiðkennari frá Hólum, gæðinga- og íþróttadómari og hefur endurmenntað sig undanfarin ár í spænskri/portúgalskri reiðmennsku í Andalúsíu.
 
Í boði eru helgarnámskeið (laugardagur og sunnudagur). Námskeiðin verða bæði einstaklings- og hópmiðuð.
Kennsla byrjar ca. 09:00 og verður fram eftir degi. Hver tími 40-45 mín. 
 
Kennt verður í 10 skipti:
13-14 janúar, 3-4 febrúar, 24-25 febrúar,  sunnud.11 mars og 7-8 apríl.
(Það verður bætt inn einum öðrum sunnudegi, dagsetning auglýst síðar)
 
Verð pr. fullorðin í einstaklingstíma er 16.000 kr. helgin.
Verð fyrir börn í hóptima að 16 ára aldri er 6000 kr. allt námskeiðið.
Verð fyrir unglinga og ungmenni í hóptíma er 10.000 kr. allt námskeiðið.
 
Allar nánari upplýsingar og skráning á námskeiðið er hjá Valgerði í síma 661-2046 eða á netfangið brimfaxi@gmail.com
Skráningu lýkur 22 des. 2017.

14.12.2017 10:39

Fyrirlestur

Föstudaginn 15. des. verður Björgvin dýralæknir með fyrirlestur í félagsaðstöðunni í reiðhöllinni.
Fyrirlestur fyrir börn byrjar kl. 19:30
Fyrirlestur fyrir fullorðna byrjar kl. 20:00

12.12.2017 16:20

Æskulýðsbikarinn

 

Grindavik.is 

Sá ánægjulegi viðburður átti sér stað á formannafundi Landsambands Hestamanna að hestamannafélagið Brimfaxi hér í Grindavík hlaut Æskulýðsbikar landssambandsins fyrir frábært æskulýðsstarf. Þetta er mikill heiður fyrir Brimfaxa og það öfluga æskulýðsstarf sem unnið er innan raða félagsins en Brimfaxi stendur reglulega fyrir mótum fyrir yngri iðkendur ásamt námskeiðum og fleiri uppákomum.

Meðfylgjandi mynd var tekin á fundi frístunda- og menningarnefndar síðastliðinn miðvikudag þar sem samstarfssamningur Brimfaxa og Grindavíkurbæjar var til umræðu. Þær Valgerður Söring og Jóhanna Harðardóttir mættu á fundinn með bikarinn góða með sér.

30.11.2017 22:29

Aðsent

Fréttabréf LH - nóvember 2017
Smella: HÉR

28.11.2017 13:19

Kaffihúsaferðin


Minnum á kaffihúsaferðina á Sólvang sem verður laugardaginn 2. des. 
Þeir sem ætla að fara, láta Valgerði vita í síma 661-2046 eða senda póst á netfangið hrauni@simnet.is í síðasta lagi miðvikudaginn 29. nóv. 
Við leggjum af stað ca. kl. 12:00 frá hesthúsahverfinu.

15.11.2017 22:27

Aðsent

Keppnistímabilið: "Erum við á réttri leið?" Opið málþing LH og FT í Léttishöllinni á Akureyri sunnudaginn 19.nóvember kl.14:00. Dómarar, keppendur, mótshaldarar og bara allir hestaáhugamenn hvattir til að mæta.:) Léttar veitingar í boði!
Keppnistímabilið: "Erum við á réttri leið?" Opið málþing LH og FT í Léttishöllinni á Akureyri sunnudaginn 19.nóvember kl.14:00. Dómarar, keppendur, mótshaldarar og bara allir hestaáhugamenn hvattir til að mæta.:) Léttar veitingar í boði!

Flettingar í dag: 229
Gestir í dag: 39
Flettingar í gær: 933
Gestir í gær: 45
Samtals flettingar: 813116
Samtals gestir: 93521
Tölur uppfærðar: 23.9.2018 18:44:01