12.02.2015 18:29

Ráðstefna

Ert þú á aldrinum 15 - 30 ára og vilt koma skoðunum þínum á framfæri við þá sem bera ábyrgð á málefnum ungs fólks í þínu sveitarfélagi ?

Mánudaginn 16. febrúar kl. 19.30 - 22:00 í Grunnskóla Grindavíkur, Ásabraut 2, stendur Æskulýðsvettvangurinn fyrir fundi með ungu fólki og þeim sem bera ábyrgð á málefnum ungs fólks í sveitarfélaginu.

Viðfangsefni fundarins er skipt upp í fjóra flokka, menntun, íþróttir og æskulýðsmál, samfélagið mitt og listir og menning. Fundarformið skiptist upp í fjórar 20 mín. lotur. Allir þáttakendur fá að koma sínum skoðunum á framfæri í öllum flokkum.

Skráning og nánari upplýsingar eru inni á facebook undir heitinu Æskulýðsvettvangurinn eða hjá Ragnheiði, sími 550-9803.

Allt ungt fólk er velkomið, þáttaka ókeypis. Léttar veitingar í boði.

27.01.2015 22:07

Reiðhallarvinna

Ágætu félagar.
Eins og öllum ætti að vera kunnugt um, þá erum við að vinna í reiðhöllinni og þá aðallega um helgar.
Þar sem við erum í forsvari fyrir vinnunni og erum allir í fullri vinnu virka daga, þá verðum við að nýta helgarnar og það vel. Það er því mjög mikilvægt að sem flestir félagsmenn láti sjá sig ef þeir mögulega geta, því allir geta gert eitthvað og margar hendur vinna létt verk. Þegar við byrjum að nýta kvöldin, þá látum við vita.
Á laugardögum byrjum við kl. 08:00 en á sunnudögum byrjum við kl. 10:00.
Stöndum þétt saman og höfum gaman.
Kær kveðja,
Formaðurinn.

26.01.2015 14:03

Sikill frá Stafholti

Sikill frá Stafholti og knapi hans Snorri Dal unnu opna flokkinn á ísmóti Sörla sem var á Hvaleyrarvatni um sl. helgi. Sikill er úr ræktun og í eigu Mundu og Palla Jóa í Stafholti.
Myndband frá mótinu má sjá hér fyrir neðan og Sikil má sjá á mín. 8:10 og 9:17

25.01.2015 21:39

Úlpur og jakkar / mátun.

Úlpurnar eru komnar og því verður mátun á úlpum fyrir fullorðna og jökkum fyrir börn þriðjudagskvöldið 27 janúar frá kl. 19:30 - 21:00 í hesthúsinu hjá Palla og Mundu. (munið að aka inn portið og fara þar inn)

Ef einhver sem var búin að panta úlpur, kemst ekki til að máta á þriðjud. þá megið þið hringja í Katrínu í s. 848-8226 og við komum með úlpur til ykkar.

Úlpurnar kosta 17.500 kr. en barnajakkarnir 8.500 kr. og það er hægt að skipta greiðslum.

Kveðja
Fatanefnd.

22.01.2015 21:42

Bilun

Bilun er í gangnasamstæðu hjá vefhýsi Brimfaxa og viðgerðir standa yfir.

17.01.2015 17:11

Skemmtilegt kvöld með Anítu

Myndir frá fyrirlestri Anítu eru komnar í myndaalbúmið.
Við þökkum Anítu fyrir skemmtilegt kvöld.
Kveðja,
Kvennadeildin.

05.01.2015 11:21

Fyrirlestur um þáttöku Anítu Margrétar í Mongal Derby

Föstudagskvöldið 16. janúar n.k. kl. 20:00 mun Anita Margrét Aradóttir Mongólíukappreiðarkona koma í heimsókn til okkar í Brimfaxa til þess að segja okkur frá því einstaka ævintýri sínu þegar hún fór 1.000 kílómetra út fyrir þægindarammann á mongólskum hestum í Mongol Derby kappreiðinni. Sú keppni er ein sú erfiðasta og hættulegasta í heimi skv. heimildum Guinnes. Aníta var valin kona ársins af ritstjórn Nýs lífs árið 2014 vegna afreka sinna. Hún mun leiða okkur í sannleikann um það hvað þarf til að taka slíkt ævintýri á hendur.

Aníta Margrét hefur gefið út bók um ævintýrið sem hún mun bjóða áhugasömum til sölu á staðnum og árita.

Aðgangseyrir er 500 kr. og eru allir áhugasamir velkomnir á fyrirlesturinn í húsi
Verkalýðsfélags Grindavíkur, Víkurbraut 46, þann 16. janúar nk. kl. 20:00
Fyrirlesturinn höfðar jafnt til fullorðinna sem barna.

Hestamannafélagið Brimfaxi og Kvennadeild Brimfaxa.

02.01.2015 13:31

Hvatningarverðlaun

Sylvía Sól Magnúsdóttir fékk hvatningarverðlaun Afrekssjóðs Grindavíkur og UMFG á kjöri íþróttmanns og íþróttakonu Grindavíkur 2014.
Frétt um alla verðlaunahafa má sjá á heimasíðu Grindavíkurbæjar eða hér:

Sylvía Sól Magnúsdóttir - Hestmannafélagið Brimfaxi

Sylvía Sól er áhugasamur hestamaður sem stundar sína íþrótt allt árið um kring af miklu kappi hvort sem umræðir keppni eða þjálfun. Hún hefur sótt þau reiðnámskeið sem henni hafa staðið til boða og á eigin vegum sótt æfingar bæði hjá reiðkennurum og leiðbeinendum, hún hefur ekki látið veður né annað stöðva sig í að mæta á sínar æfingar og sýndi að með miklum dugnaði og metnaði er hægt að bæta sig og og ná takmörkum sínum.
Sylvía hefur tekið þátt í öllum innanhúsfélagsmótum Brimfaxa og keppt á opnum íþrótta- og gæðingamótum fyrir hönd félagsins með góðum árangri og verið félaginu til sóma bæði inná velli og utan.

01.01.2015 19:11

Reiðhöll

Verðum í reiðhöllinni á morgun, föstudag kl. 8:00. Þeir sem geta mætt láti sjá sig, nóg er að gera fyrir jákvætt og skemmtilegt fólk.
Kv.
Formaðurinn.

31.12.2014 18:01

Gleðilegt nýtt ár

Kæru Brimfaxafélagar.
Stjórn Brimfaxa óskar ykkur gleðilegs árs og vonar um leið að nýja árið verði gott til útreiða og hallarbyggingu.
Gangið hægt um gleðinnar dyr og sýnið aðgát við flugeldana.
Kær kveðja
Stjórn Brimfaxa.

30.12.2014 13:06

Úlpur og jakkar

Mátunardagur á Softshell jökkum fyrir börn verður fljótlega á nýju ári.

Því miður verður breyting á úlpum fyrir fullorðna, en það kom í ljós við pöntun að það eru ekki til allar stærðir og því verða nýjar úlpur í boði og þær verða til sýnis og mátunar á sama tíma.
Nýju úlpurnar eru ódýrari og kosta 17.500 kr.og barnajakkarnir 8.500 kr.
Það er sama fyrikomulag að hægt verður að skipta greiðslum.

Dagsetning fyrir mátunardag verður auglýst fljótlega.

Með bestu kveðju.
Fatanefnd.

26.12.2014 20:53

Jólapakki

Gleðilega hátíð kæru Brimfaxafélagar.
Við eigum von á jólapakka á morgun og ætlum að mæta í Stakkavík kl. 10 á morgun 27 des. og síðan förum við þaðan fylktu liði upp í höll og opnum pakkann.
Mikilvægt er að sem allra flestir mæti svo við getum rætt málin og skipulagt verkefnin er framundan eru.
Kær kveðja
Formaðurinn.

06.12.2014 22:28

Dagskrá 2015

Dagskrá fyrir 2015 hefur tekið á sig mynd. Dagskráin er þó enn í vinnslu en hana má finna undir tenglinum hér að ofan.

03.12.2014 14:45

Úlpurnar

Fatanefnd verður með úlpur til að máta fram að helgi ef það var einhver sem komst ekki til að máta í gær. Þið getið haft samband við Katrínu í síma 848-8226 eða á netfangið [email protected]

Kv. fatanefnd.

Flettingar í dag: 99
Gestir í dag: 5
Flettingar í gær: 754
Gestir í gær: 42
Samtals flettingar: 452921
Samtals gestir: 46085
Tölur uppfærðar: 19.3.2024 03:05:16