21.10.2014 21:44

Aðalfundurinn

Heil og sæl öllsömul.
Um leið og ég minni á fundinn í Salthúsinu á morgun 22. okt. kl. 20:00 þá birti ég dagskrá fundarins eins og hún verður.

1. Formaður setur fundinn og tilnefnir fundarstjóra og ritara.
2. Skýrsla stjórnar.
3. Gjaldkeri fer yfir reikninga  félagsins og fjárhagsáætlun næsta árs.
4. Umræða um skýrslu stjórnar og reikninga félagsins.
5. Skýrsla Æskulýðsnefndar.
      Kaffihlé
6. Jón G. Óttarsson fer yfir reikninga og stöðu reiðhallarinnar.
7. Árgjald ákveðið.
8. Kosning formanns.
9. Kosning stjórnar
10. Önnur mál.
11. Fundi frestað fram á nýtt ár.

14.10.2014 22:29

Íslenski hesturinn

Hér er vefsíða um íslenska hestinn, þar sem má finna ýmsan fróðleik.

12.10.2014 17:37

Aðalfundurinn 22. okt.

Sælir félagar.
Þar sem okkar ástsæli gjaldkeri varð fyrir þeirri óskemmtilegu lífsreynslu að lenda í árekstri og slasast, þá ætlum við að færa aðalfundinn aftar. Við setjum hann á miðvikudaginn 22. október kl. 20 og vonumst til að Styrmir verði farinn að braggast. Um leið og við óskum Styrmi góðs bata þá vonum við að þið látið sjá ykkur sem flest á fundinum.
Kv.
Stjórnin.

07.10.2014 18:13

Námskeið fyrir þig!

Aðsent.

Frumtamningar á Miðfossum.
Markmið námskeiðsins er að nemendur öðlist innsýn í eðli og atferli hrossa og nái hæfni til að beita viðurkenndum aðferðum við frumtamningar hrossa. Í lok námskeiðs eru öll hross orðin reiðfær, sem þýðir að þau hafa grunnskilning á helstu ábendingum og hægt verður að ríða þeim í frjálsri reið.

 Á námskeiðið mætir hver nemandi með eitt ótamið unghross sem þó má vera bandvant. Innifalið í verði er aðstaða fyrir hrossin á vinnuhelgum á Miðfossum og hámarksfjöldi nemenda er 12, með eitt hross hver.

Kennari: Sigvaldi Lárus Guðmundsson tamningamaður og reiðkennari við LbhÍ.

Tími: Fös. 7. nóv, kl. 17-19, lau. 8. nóv, kl. 9-17, sun. 9. nóv, kl. 9-17, fös. 14. nóv, kl. 17-19, lau. 15. nóv. kl. 9-17, sun. 16. nóv. kl. 9-17, fös. 28. nóv, kl. 17-19, lau. 29. nóv, kl. 9-17, sun. 30. nóv, kl. 9-17 og fös. 12. des, kl. 17-19, lau. 13. des,   kl. 9-17 og sun. 14. des, kl. 9-17 hjá LbhÍ á Miðfossum (96 kennslustundir)

Verð: 89.000kr (matur og gisting er ekki innifalið í verði)

Skráðu þig núna!
Sími 433-5000

02.10.2014 18:54

Aðalfundi hnikað um einn dag

Kæru félagar.
Þar sem Helgi Björs er með tónleika í Salthúsinu 15. okt þá verðum við að hnika aðalfundinum um einn dag og halda fundinn þann 16. okt kl. 20 í Salthúsinu.
Vonandi veldur þetta ekki vandræðum í okkar röðum.
Hlakka til að sjá ykkur hress og kát og tilbúin að takast á við þau verkefni sem bíða ( svo sem 1 stk. reiðhöll. )
Kær kveðja.
Formaðurinn

24.09.2014 14:20

Umsókn um þjálfarastyrk

Stjórn Verkefnasjóðs ÍSÍ auglýsir hér með eftir umsóknum um þjálfarastyrki ÍSÍ. Þjálfarastyrkir ÍSÍ eru veittir íþróttaþjálfurum sem sækja sér menntun erlendis í formi námskeiða eða ráðstefna og bæta þekkingu sína í þjálfun, sem mun nýtast íþróttahreyfingunni á Íslandi. 

Umsóknarfrestur er til 10. október og er upphæð hvers styrkjar 100.000 krónur. Umsóknum skal skila á þar til gerðum eyðublöðum sem finna má á heimasíðu ÍSÍ http://www.isi.is/library/Skrar/Efnisveita/Eydublod/umsokn_um_thjalfarastyrk.pdf

Kær kveðja
Ragnhildur Skúladóttir
Íþrótta- og Ólympíusamband Íslands / The National Olympic and Sports Association of Iceland

18.09.2014 17:29

Námskeið í fararstjórn

Þriðjudaginn 23. september býður ÍSÍ upp á fararstjóranámskeið í E- sal Íþróttamiðstöðvarinnar í Laugardal  og hefst námskeiðið kl.17:00 og stendur til 19:30. Gústaf Adolf Hjaltason mun sjá um fræðsluna og veitir hann ýmsar gagnlegar upplýsingar til handa þeim fjölmörgu foreldrum og sjálfboðaliðum sem taka að sér fararstjórn innan íþróttahreyfingarinnar. Námskeiðið verður þátttakendum að kostnaðarlausu og fer skráning fram á [email protected]

Kær kveðja
Ragnhildur Skúladóttir
Íþrótta- og Ólympíusamband Íslands / The National Olympic and Sports Association of Iceland

14.09.2014 18:55

59. Landsþing LH

 

59. Landsþing LH verður haldið á Selfossi, dagana 17. og 18. október 2014. Þingið er í boði hestamannafélagsins Sleipnis. Brimfaxi á 2 þingfulltrúa sem sitja þingið.

 

04.09.2014 14:02

þjálfaramenntun 1. 2. og 3. stigs ÍSÍ

Haustfjarnám 1. 2. og 3. stigs þjálfaramenntunar ÍSÍ mun hefjast mánudaginn 29. sept. nk. og tekur það átta vikur á 1. stigi en fimm vikur á hinum stigunum.  Nám allra stiga er allt í fjarnámi, engar staðbundnar lotur og gildir námið jafnt fyrir allar íþróttagreinar.  Námið hefur verið afar vinsælt undanfarin ár og þátttakendur komið frá fjölda íþróttagreina.  Námið veitir réttindi til íþróttaþjálfunar og jafnframt rétt til áframhaldandi náms til frekari réttinda.  Þátttökugjald á 1. stig er kr. 25.000.- og öll námskeiðsgögn eru innifalin í því verði og send á heimilisföng þátttakenda.  Þátttökugjald á hin stigin er kr. 18.000.-

   

Skráning er á [email protected] eða í síma 514-4000 og þarf henni að vera lokið fyrir föstudaginn 26. sept. Með skráningu þarf að fylgja fullt nafn, kennitala, heimilisfang, netfang og símanúmer og taka þarf skýrt fram á hvaða stig verið er að skrá.  Rétt til þátttöku á 1. stigi hafa allir sem lokið hafa grunnskólaprófi.


Allar nánari uppl. um fjarnámið og aðra þjálfaramenntun ÍSÍ gefur Viðar Sigurjónsson í síma 460-1467 & 863-1399 eða á [email protected]   


Með bestu kveðju,


Viðar Sigurjónsson

Skrifstofustjóri ÍSÍ á Akureyri

Þjálfaramenntun ÍSÍ - Fyrirmyndarfélag ÍSÍ

02.09.2014 21:11

Beitin búin

Til þeirra sem eru enn með hesta í félagsgirðingunni.
Þar sem beitin er nánast búin þá þurfa þeir sem eiga hest eða hesta að taka hrossin í síðasta
lagi um helgina.
Kv.
Formaðurinn.

01.09.2014 13:34

Aðalfundur 15.okt. 2014

Aðalfundur Brimfaxa verður haldinn 15. október 2014.
Nánar auglýst síðar.
Kveðja, stjórnin.

29.08.2014 22:17

Ný reiðvegaskilti hjá hmf Sprett

Aðsent

 

Reiðveganefnd Sprett hefur verið að vinna að því að setja upp reiðvegaskilti á athafnasvæði Spretts, um er að ræða 18 vegpresta með samtals 48 vegvísum, einnig verða allir áningastaðir merktir.  Búið að að setja upp vegpresta á Kjóavöllum, Vatnsendaheiði, við Elliðavatn, Smalaholt og við Bugðu, samtals 13. vegprestar. Það sem eftir er verður klárað á þriðjudag 2 sept. n.k. en það er með Flóttamannavegi og í Hjalladal samtals 5. vegprestar.
 
Kveðjur
Halldór Halldórsson
reiðveganefnd
 

 

28.08.2014 23:13

Riter Cup í Golfi í Grindavík

Á morgun 29. ágúst fer fram árlegt Golfmót Hestamanna en mótið verður haldið á Húsatóftavelli í Grindavík.

Dagskrá

10:30 Rútferð frá reiðhöll Spretts í Garðabæ

11:15 Mæting á Húsatóftavöll. Boðið verður uppá léttar veitingar, farið yfir leikfyrirkomulag og liðin kynnt.

12:00 Ræst er út á öllum teigum samtímis.

17:30 Rúta ekur keppendum í Bláa Lónið þar sem keppendum er boðið í slökun í Lóninu

19:30 Fordrykkur í Eldborgarsal Bláa Lónsins. (Rúta ekur keppendum)

20:00 Veisla, verðlaunafhending og taumlaus gleði

27.08.2014 13:31

Myndir

Ragnar Eðvarðsson tók fullt af myndum úr Brimfaxaferðinni, þær eru komnar í myndaalbúmið.

15.08.2014 07:17

Ferðamenn

Ferðafélagar úr hestaferðinni Fontur - Reykjanestá 2014 komu til Grindavíkur 14. ágúst. Gestum var boðið í kaffi og bakkelsi í hesthúsinu hjá Palla og Mundu áður en haldið var af stað til að ná lokaáfanganum.

Myndir frá komu þeirra til Grindavíkur má sjá í myndaalbúminu. Einnig má sjá myndir og ferðasögur á facebook síðu þeirra undir nafninu Fontur - Reykjanestá 2014.

Flettingar í dag: 221
Gestir í dag: 15
Flettingar í gær: 754
Gestir í gær: 42
Samtals flettingar: 453043
Samtals gestir: 46095
Tölur uppfærðar: 19.3.2024 06:25:32