13.08.2014 13:20

Kilja frá Grindavík með hæstan dóm

Kilja frá Grindavík sem er í eigu Hermanns er með hæstan dóm á síðsumarsýningunni á Miðfossum. Hún er með 8,43 fyrir hæfileika og 8,31 í aðaleinkunn.

Dóm Kilju má sjá hér: (tekið af Eidfaxi.is)

IS2007225698 Kilja frá Grindavík
Örmerki: 968000003937784
Litur: 2500 Brúnn/milli- einlitt
Ræktandi: Hermann Thorstensen Ólafsson
Eigandi: Hermann Thorstensen Ólafsson
F.: IS1996181791 Geisli frá Sælukoti
Ff.: IS1988188239 Gustur frá Grund
Fm.: IS1986258162 Dafna frá Hólkoti
M.: IS1993285619 Kilja frá Norður-Hvammi
Mf.: IS1990185611 Skafl frá Norður-Hvammi
Mm.: IS1982235751 Framtíð frá Skarði 2
Mál (cm): 144 - 132 - 139 - 65 - 143 - 28,0 - 17,5
Hófa mál: V.fr.: 9,0 - V.a.: 7,4
Sköpulag: 7,5 - 8,0 - 7,5 - 9,0 - 7,5 - 7,5 - 9,0 - 7,5 = 8,13
Hæfileikar: 8,5 - 8,5 - 8,0 - 8,5 - 9,0 - 8,5 - 7,5 = 8,43
Aðaleinkunn: 8,31
Hægt tölt: 8,0      Hægt stökk: 8,0
Sýnandi: Jakob Svavar Sigurðsson

 

28.07.2014 07:38

Brimfaxaferðin

Jón Ásgeir Helgason tók myndir í Brimfaxaferðinni, þær má sjá í myndaalbúminu.

27.07.2014 15:24

Íslandsmótið



Brimfaxi átti þrjá glæsilega fulltrúa í yngri flokkum á Íslandsmótinu og mega Brimfaxafélagar vera stoltir af krökkunum sem voru félaginu til mikils sóma.

23.07.2014 11:11

Íslandsmótið


Krakkarnir okkar hafa staðið í ströngu að æfa sig og þjálfa hestana fyrir Íslandsmótið.

Dagskrá og ráslista mótsins má sjá hér: http://fakur.is/?p=2512

Fyrir okkar keppendur þá er tímasetningin eftirfarandi:
 
Miðvikudagur 23. júlí
Askja - fjórgangur barna kl. 12:00
Aldís - Fjórgangur unglinga kl. 15:50

Föstudagur 25. júlí
Aldís -  tölt unglinga kl. 13:15
Sylvía - tölt unglinga kl. 13:15
Askja - tölt barna kl. 15:50
 
Góða skemmtun.


21.07.2014 08:16

Íslandsmót í hestaíþróttum

Íslandsmót í hestaíþróttum verður haldið í Víðidal í Reykjavík 22. - 27. júlí nk.
 
Brimfaxi mun eiga þrjá fulltrúa í yngri flokkum á mótinu en keppendur eru:
 
Aldís Gestdsóttir keppir á Gleði frá Firði í unglingaflokk í fjórgangi og tölti.
Askja Isabel Þórsdóttir keppir á Valíant frá Helgadal í barnaflokk í fjórgangi og tölti.
Sylvía Sól Magnúsdóttir keppir á Fenju frá Holtsmúla 1 í unglingaflokk í tölti.
 
Brimfaxi óskar keppendum okkar góðs gengis.

09.07.2014 20:05

íslandsmót - aðsent

Íslandsmótið í hestaíþróttum verður haldið á félagssvæði Fáks í Reykjavík dagana 22. - 27. júlí. Mótið verður óvenju viðamikið því allir flokkar (börn, unglingar, ungmenni og fullorðnir) munu etja kappi þessa daga. Verið er að semja við veðurguðina þessa dagana og ganga þær viðræður mjög vel ;)Margt annað verður gert til að mótið verði gott og skemmtilegt s.s. verður Reiðhöllin undirlögð af leiktækjum frá Skemmtigarðinum. Mikið verður gert fyrir keppendur og áhorfendur á mótinu svo við ætlum að eiga saman skemmtilegt Íslandsmót.

Öll forkeppni verður keyrð á tveimur völlum samtímis til að koma allri dagskráinni fyrir en reiknað er með miklum fjölda skráninga. Skráningafrestur er til miðnættis á fimmtudeginum 10. júlí og þurfa keppendur að skráð á sportfeng (mót - Fákur osfrv.).  Skráningargjald er kr. 4.000 í barna og unglingaflokki 3.500 í skeiðgreinar (nema gæðingaskeið) og 5.500 í fullorðinsflokkum (skráning staðfest með greiðslu, annað ekki tekið til greina). Einnig verður hægt að skrá sig til miðnættis sunnudaginn 13. júlí en þá eru skráningargjöldin 2.000 kr. hærri á hverja grein. Keppendur athugið að það er einn keppandi inn á vellinum í einu nema í fjórgangi barnaflokki, en þar verða 3 inn á í einu og riðið eftir þul.

Tjaldstæði og hesthús á svæðinu. Við hvetjum knapa til að fylgjast vel með upplýsingum á heimasíðu Fáks sem og facebooksíðu Fáks ("læka" facebooksíðuna á heimasíðunni og stofnaður sér hópur fyrir þátttakendur, endilega gangið í þann hóp).

Keppnisnefnd L gefur á hverju ári út þær lágmarkseinkunnir sem par þarf að hafa náð til að skrá sig í keppnisgreinar á Íslandsmóti fullorðinna. Engin lágmörk eru í barna, unglinga og ungmennaflokki og er öllum heimilt að skrá sig þar en fullorðnir þurfa að hafa náð eftirtöldum árangri með hestinn á keppnistímabilinu 2014 eða 2013:

Tölt: 6,5

Fjórgangur: 6,2

Fimmgangur: 6,0

Slaktaumatölt: 6,2

Gæðingaskeið: 6,5

250 m skeið: 26,0 sek.

150 m skeið: 17,0 sek

100 m skeið: 9,0 sek.

Opið punktamót verður í Fáki á laugardaginn.

Hlökkum til að sjá sem flesta.

Kveðja frá mótanefnd

09.07.2014 14:29

Ábreiður og stallmúlar


Æskulýðsdeild Brimfaxa ætlar að bjóða flísábreiður og stallmúla merkta félaginu til sölu.
Flísábreiðan kostar 12.000 kr. og stallmúllinn 6.500 kr. með merkingu. Þeir sem hafa áhuga geta sent póst á [email protected] eða hringja í síma 661-2046 eða 848-0143 fyrir sunnud. 13. júlí.
Greiðsla fer fram við pöntun og hægt er að leggja inn á Brimfaxareikninginn sem er:

KT: 530410 2260
0146 - 15 - 250134

08.07.2014 22:30

Brimfaxaferðin

Heil og sæl.
Þeir sem ætla í hestaferðina sem farin verður frá Götu, 22 júlí eru boðaðir á fund í hesthúsinu hjá Mundu miðvikudagskvöld 9. júlí kl. 20.00
Kv.
Jón Ásgeir

01.07.2014 17:03

Aldís og Gleði á Landsmótinu

Jóhanna Ólafsdóttir tók þessa mynd af Aldísi og Gleði á Landsmótinu, ef myndin er skoðuð vel, þá ættu flestir hestamenn í Grindavík að þekkja manninn sem er fyrir aftan þær.

30.06.2014 10:58

Landsmótið

Aldís Gestsdóttir sem keppir fyrir hönd Brimfaxa í unglingaflokki mun hefja keppni í forkeppni 1. júlí sem hefst kl. 14:00
 
Keppnishross eru líka á landsmóti sem eru í eigu Brimfaxafélaga þótt þau keppa ekki fyrir Brimfaxa en bæði aðstæður og tilviljanir réðu því fyrir hvaða félag þau keppa fyrir.
Mirra frá Stafholti sem er í eigu Palla jóa og Mundu keppir í fjórgangi og mun forkeppnin byrja kl. 11:00 í dag.
Kilja frá Grindavík sem er í eigu Hermanns keppir í tölti og forkeppnin í tölti byrjar kl. 17:30 fimmtud. 3. júlí.
 
Brimfaxi óskar öllum góðs gengis.
 
Allar fréttir og myndir frá landsmóti eru vel þegnar til að setja á heimasíðuna okkar og má senda á [email protected]
 

24.06.2014 22:59

Æfingatímar á Hellu


Á landsmot.is vefinn eru nú komnar upplýsingar um æfingatíma félaganna frá fimmtudegi til sunnudags:
Þar er einnig skjal sem sækja má og prenta út.

19.06.2014 13:15

Vigdísarvellir


Sæl og blessuð öll sömul.
Við ætlum að leggja af stað á vellina kl. 16.00 (fjögur) frá hesthúsabyggðinni og minni um leið á að það kostar 300 kr. fyrir hestinn á sólarhring. Munið eftir að taka með ykkur pening því að það verður rukkað á staðnum.
Mætum hress og kát eins og venjulega og verum félaginu til sóma.
Kær kveðja.
Herra Hilmar formaður

18.06.2014 13:56

Miðsumarmótið

Opna Miðsumarmót / styrktarmót æskul.deildar Brimfaxa var haldið 16. júní.
 
Keppt var í öllum flokkum og allir flokkar opnir fyrir félagsmenn og aðra sem vildu taka þátt en 30.000 kr. styrkur til æskul.deildarinnar náðist með keppnisgjöldum.
Efstu keppendur í tímatökuflokkum fengu m.a. gúmítaum í verðlaun frá Líflandi og allir krakkar sem kepptu sjálf fengu einnig gúmítaum frá Líflandi í þáttökuverðlaun.
Arctic horses bauð síðan öllum keppendum í grillpartý eftir mót.
 
Gefendur verðlauna voru
Arctic horses gaf verðl.pen.
Einhamar gaf verðl.pen.
Lífland  gaf gúmítauma.
FMS gaf kaffi og meðlæti.
 
Æskulýðsnefndin vill koma þökkum til allra þeirra sem styrktu mótið.
Einnig fær fær klappliðið sem hvatti alla keppendur til dáða og Svavari ljósmyndara sem tók myndir af mótinu þakkir fyrir.
Myndirnar má sjá hér: 
 
Efstu sæti:
 
Opinn flokkur
1. sæti Jóhanna Harðardóttir
 
Karlaflokkur
1. sæti Magnús Ásgeirsson
 
Kvennaflokkur
1. sæti Valgerður Valmundsdóttir.
 
Krakkaflokkur
1. sæti Sylvía Sól Magnúsdóttir

15.06.2014 21:22

Dagskrá

 
Hér er dagskrá fyrir miðsumarmótið sem er styrktarmót æskulýðsdeildar Brimfaxa.
 
Kl. 19:00
Krakkaflokkur
Byrjendaflokkur
Teymdar tengdamömmur
 
Kl. 20:00
Kvennaflokkur
Karlaflokkur
Opinn flokkur
 
Gefendur verðlauna mótsins eru:
Arctic horses
Einhamar
Lífland
 

14.06.2014 11:47

Miðsumarmót / Styrktarmót


Opið miðsumarmót / styrktarmót æskulýðsdeildar Brimfaxa verður mánudagskvöldið 16. júní kl. 19:00 í kennslugerðinu.

Styrktarmótið er smalamót og er opið öllum (í alla flokka), hvort sem þeir eru félagsmenn Brimfaxa eða ekki og nú er um að gera að taka með vini og vandamenn og lofa þeim að spreyta sig á skemmtilegum smalaþrautum.

Allir á öllum aldri eru velkomnir að taka þátt.

Keppt verður í:
Opnum smala (bæði kynin)
Karlaflokki
Kvennaflokki
Kaldir krakkar (krakkar á öllum aldri)
Teymdar tengdamömmur (Tengdamömmur eru teymdar í gegnum þrautirnar)
Byrjendaflokkur (þar ekki endilega að vera á hesti, má teyma eða láta teyma sig, eða fara þrautirnar á tveimur jafnfljótum)

Skráning og greiðsla á staðnum og skráningargjald fyrir hverja grein er 2000 kr. en 500 kr. í krakkaflokk.

Keppt verður um 1 verðlaunasæti í opnum flokki, karla-og kvennaflokki og krakkaflokki í verðlaun er m.a. gjöf frá Líflandi.
Allir kaldir krakkar, teymdar tengdamömmur og byrjendur sem taka þátt fá sérslegin verðlaunapening með merki Brimfaxa.

Flettingar í dag: 314
Gestir í dag: 21
Flettingar í gær: 754
Gestir í gær: 42
Samtals flettingar: 453136
Samtals gestir: 46101
Tölur uppfærðar: 19.3.2024 12:14:58